اللہ پاک کے احکامات کی اطاعت سے ہی ہم اسکے فرمانبردار بن سکتے ہیں۔مقصود الہی نقشبندی
بورے والا(چوہدری اصغر علی جاوید سے)اسلامی روحانی مشن پاکستان کے سرپرست بزرگ روحانی شخصیت پروفیسر ڈاکٹر مقصود الہی نقشببدی(محبوب سائیں) نے کہا ہے کہ ہمیں قرآن و حدیث پر عمل کر کے اپنی دنیا اور آخرت سنوارنی ہے اللہ پاک جسے دنیا اور آخرت میں کامیاب دیکھنا چاہتا ہے اسے صبر کرنے والے جسم،اللہ کا شکر ادا کرنے والادل،اللہ کا ذکر کرنے والی زبان اور اللہ کی دی ہوئی نعمتوں کو اسکی رضا کے مطابق استعمال کرنے کی توفیق عطا کردیتا ہے اللہ پاک کے احکامات کی اطاعت سے ہی ہم اسکے فرمانبردار بن سکتے ہیں اللہ کی نعمتوں کو استعمال کرتے ہوئے شیطان کی اطاعت کرنے والا اللہ کا بندہ نہیں بن سکتا،ان خیالات کا اظہار انہوں نے 461(ای بی) میں منعقدہ اسلامی روحانی مشن کی سالانہ دو روزہ صوبائی اجتماع سے خطاب کرتے ہوئے کیا اس اجتماع سے نظریہ پاکستان پارٹی کے بانی شہیر حیدر سیالوی،ڈاکٹر اعجاز حسین،ڈاکٹر محمد فاضل،فیاض مصطفائی اورعلامہ شہزاد کنول نے بھی خطاب کیا جبکہ اختتامی تقریب میں ملک اظہر حسین،محبوب الہی،انجینئر فواد حیدر،چوہدری اظہر غفور،چوہدری اطہر غفور،چوہدری عمران جاوید،خالد حسین،جہانزیب محمود اور فاروق احمد بھی موجود تھے۔
About Author
