مسلم لیگ(ن) کی حکومت آئی تو بورے والا کو ضلع بنا کر موٹروے سے ملائیں گے۔نواز شریف
بورے والا(چوہدری اصغر علی جاوید سے)مسلم لیگ(ن) کے قائد سابق وزیر اعظم میاں نوازشریف نے کہا ہے کہ میری حکومت کے بعد وقت بدل گیا ہے پہلے روٹی 4 روپے کی تھی آج 20 روپے کی ہو گئی بجلی کا 500 والا بل اب 20 ہزار کا آتا ہے گیس آج مل نہیں رہی،نواز شریف کے دور میں سبزیاں 10روپے کلو ملتی تھیں آج قیمتیں کہاں پہنچ گئی ہیں میرے دور میں ٹریکٹر 9 لاکھ کا تھا آج 38 لاکھ کا ہو گیا یوریا کھاد 1200روپے کی تھی آج 5 ہزار کی بوری ملتی ہے ڈی اے پی 2400کی تھی آج 15000ہزار کی مل رہی ہے کیا یہ تبدیلی ہے وعدہ کرتا ہوں مسلم لیگ(ن) حکومت میں آ کر مہنگائی کو مٹائے گی اگر بیٹے سے تنخواہ نہ لینے پر حکومت نہ گرائی جاتی تو آج قوم کا یہ حال نہ ہوتا اس ٹولے نے پاکستان کے جسم پر کلہاڑا مارا ہے حکومت میں آ کر بورے والا کو ضلع بناوں گا اور عین ممکن ہے بورے والا میں ائیرپورٹ بھی بنائیں موٹروے بورے والا سے گزرے گی اور ضلع وہاڑی میں اگر محترمہ تحمینہ دولتانہ الیکشن جیتتی ہیں تو وہاں پر میڈیکل کالج کا قیام عمل میں لایا جائے گا سٹیج پر موجود سابق وفاقی وزیر بیگم تہمینہ دولتانہ کو کہا کہ یہ مسلم لیگ(ن) کی ببرشیرنی ہے اور ان کے بیٹے میاں عرفان دولتانہ مسلم لیگ(ن) کے پہلوان ہیں ساجد مہدی سلیم شاہ ہمارے مخلص ساتھی ہیں جلسے سے خطاب میں نائب صدر مسلم لیگ(ن) مریم نواز نے کہا کہ نواز شریف کو ووٹ دیں تا کہ وہ منتخب ہو کر آپکی خدمت کر سکیں ہمارے مخالفین جہاں بھی جا کر جلسہ کرتے ہیں وہاں پر نوازشریف کے ہی منصوبے نظر آتے ہیں پاکستان میں کوئی بھی بڑا منصوبہ دیکھ لو وہ مسلم لیگ(ن)ن کے دور میں بنا ہے سب جماعتیں نواز شریف پر تنقید کرتی نظر آتی ہیں آج اگر کسی کو قوم کی فکر ہے تو وہ میاں نوازشریف ہے ہمارا منشور ہر شہر اور گاوں کی ترقی ہے انتخابی جلسہ سے امیدوار قومی اسمبلی چوہدری نذیر احمد آرائیں اور امیدوار صوبائی اسمبلی سردار خالد محمود ڈوگر نے بھی خطاب کیا جبکہ اس موقع پر مریم اورنگ زیب،سینٹر پرویز رشید،سید ساجد مہدی سلیم، سعید احمد خاں منہیس،میاں ثاقب خورشید،چوہدری یوسف کسیلیہ،میاں خالق نواز آرائیں،نور خاں بھابھہ،سردار شاہد جاوید ڈوگر اور دیگر قائدین بھی موجود تھے۔
About Author
