مسلم لیگ(ن) کیلئے بڑا سیاسی دھچکا،مرکزی جمعیت اہلحدیث نے احمد کامران کی حمایت کا اعلان کر دیا
بورے والا(چوہدری اصغر علی جاوید سے)مسلم لیگ(ن) کیلئے بڑا سیاسی دھچکا،بڑی اتحادی جماعت مرکزی جمعیت اہلحدیث نے آزاد امیدوار صوبائی اسمبلی احمد کامران تھہیم کی حمایت کا اعلان کر دیا،جماعت کا ایک ایک فرد انتخابی مہم میں حصہ لیکر احمد کامران تھہیم کو کامیاب کروائے گا،ضلعی امیر مرکزی جمعیت اہل حدیث کا اعلان،تفصیلات کے مطابق مرکزی جمعیت اہلحدیث جو کہ ملکی سطح پر مسلم لیگ(ن) کی بڑی اتحادی جماعت ہے اس کی ضلعی و مقامی قیادت کی طرف سے آج ایک مقامی شادی ہال میں کارکنان کا ایک بڑا اجتماع منعقد ہوا جس میں جماعت کے ذمہ داران ضلعی امیر حافظ غلام اللہ محمدی،حافظ بلال ثاقب ضلعی ناظم اعلی،حافظ ابوبکر صدیق طاہر تحصیل امیر،حافظ محمد شہباز خورشید تحصیل ناظم،حافظ نعمت اللہ عاجز ضلعی صدر اہلحدیث یوتھ فورس،رانا راشد احسان احسان ضلعی سرپرست اہل حدیث یوتھ فورس،حاجی عبدالستار شاہد ناظم مالیات،مقصود احمد گجر سینیئر نائب امیر تحصیل بورے والا اور ضلعی ناظم مالیات مرکزیہ عبدالرزاق مغل بھولا نے متفقہ طور پر آزاد امیدوار احمد کامران تھہیم کی مکمل حمایت کا اعلان کر دیا اس اعلان سے مسلم لیگ(ن) کو آئندہ انتخابات میں بڑا سیاسی دھچکا لگا ہے اس تقریب سے خطاب کرتے ہوئے ضلعی امیر مولانا حافظ غلام اللہ محمدی،ضلعی ناظم اعلی حافظ بلال ثاقب اور دیگر نے کہا کہ ہمارا اتحاد و اتفاق ہی ہماری قوت ہے ہم حق و سچ کے راستے پہ چلے ہیں اور کامیابی انشاء اللہ ہمارا مقدر ہو گی ایوانوں میں بیٹھے 95 فیصد لوگ دین اسلام پر عمل نہیں کرتے ان ایوانوں میں ہمیں نیک اور اعمال صالح کرنے والے نمائندوں کو منتخب کروا کے بھیجنا ہے تا کہ وہ دین اسلام کی سربلندی کیلئے ہماری آواز بن سکیں تقریب سے خطاب میں امیدوار صوبائی اسمبلی احمد کامران تھہیم نے کہا کہ بے پناہ قربانیوں کے نتیجہ میں یہ ملک حاصل کیا گیا تھا جس میں آزادانہ طور پر اسلامی تعلیمات کے مطابق زندگیاں بسر کر سکیں لیکن اس ملک پر قیام پاکستان سے لیکر آج تک اشرافیہ مسلط ہے ان اشرافیہ کے خلاف ہمیں متحد ہو کر کامیاب ہونا ہے 8 فروری کو پیالہ کے نشان پر مہر لگا کر دین اسلام کی سربلندی میں اپنا کردار ادا کرنا ہو گا۔
About Author
