وزیر اعلی پنجاب نے پریس کلب بورے والا کو 25 لاکھ روپے گرانٹ کا چیک دے دیا
بورے والا(چوہدری اصغر علی جاوید سے)پنجاب حکومت کی طرف سے پریس کلب بورے والا کو 25لاکھ روپے کی خطیر گرانٹ کا چیک دے دیا گیا،گزشتہ روز وزیر اعلی سیکریٹریٹ لاہور میں منعقدہ تقریب کے دوران پنجاب بھر کے اضلاع اور تحصیلوں کے پریس کلبوں کو خصوصی گرانٹ کے چیک تقسیم کئے گئے اس تقریب میں وزیر اعلی پنجاب محسن نقوی نے بورے والا پریس کلب کی کارکردگی کو دیکھتے ہوئے اس کیلئے 25 لاکھ کی خطیر گرانٹ کا چیک سیکرٹری وزیر اعلی پنجاب رانا عامر کریم خاں کی وساطت سے صدر پریس کلب کے حوالے کیا اس موقع پر وزیر اعلی پنجاب کا کہنا تھا کہ اس خصوصی گرانٹ کا مقصد پریس کلبوں کو جدید ٹیکنالوجی کی سہولیات سے آراستہ کرنا ہے آنے والا دور ڈیجیٹل میڈیا کا ہے جس کیلئے صحافیوں کو چاہیے کہ وہ ڈیجیٹل میڈیا تک رسائی حاصل کریں اور خود کو اس جدید دور کے تقاضوں کی صحافت کیلئے تیار کریں اس موقع پر صدر پریس کلب چوہدری اصغر علی جاوید نے خصوصی گرانٹ کے حصول میں سیکرٹری وزیر اعلی پنجاب کی خصوصی دلچسپی اور انکی کاوشوں پر انکا شکریہ ادا کیا جبکہ اس تقریب میں سی او بیکن لائٹس عاطف چوہدری،چئیرمین پریس کلب حافظ جنید احمد،سردار سکندر حیات ڈوگر،سردار وسیم ڈوگر اور دیگر بھی موجود تھے۔
About Author
