بار انتخابات،صدارت کے دو امیدواران کے کاغذات مسترد،تیسرا امیدوار بلامقابلہ صدر منتخب

بورے والا(چوہدری اصغر علی جاوید سے)بار ایسوسی ایشن کے انتخابات،صدارت کے عہدہ پر دو امیدواران کا کاغذات نامزدگی مسترد،تیسرا امیدوار ملک جہانگیر بلامقابلہ صدر منتخب،کاغذات مسترد ہونے والے دونوں امیدواروں نے الیکشن بورڈ کے فیصلہ کو غیر آئینی اور غیر قانونی قرار دے کر مسترد کر دیا،دونوں امیدواروں نے ضابطہ اخلاق کی خلاف ورزی کی ہے،فیصلہ میرٹ کے مطابق ہے،چئیرمین الیکشن بورڈ،تفصیلات کے مطابق بورے والا بار کے انتخابات کے حوالہ سے آج امیدواران کے کاغذات کی سکروٹنی کے موقع پر صدارت کے دونوں مضبوط امیدواران چوہدری وقاص اشفاق اور محمد جاوید شاہین کے خلاف تیسرے امیدوار چوہدری محمد جہانگیر نے ضابطہ اخلاق کی خلاف ورزی کے ضمن میں اعتراضات داخل کروائے جس میں انہوں نے دونوں مدمقابل امیدواران پر الزام عائد کیا کہ انکے پینا فلیکس منظور شدہ سائز سے بڑے ہیں دونوں نے عدالتوں میں اپنے زیر سماعت کیسوں کی تفصیلات فراہم نہیں کیں اور امیدواران کی جانب سے انتخابی مہم میں وکلاء کو کھانے کھلائے گئے ہیں ان الزامات کو درست قرار دیتے ہوئے چئیرمین الیکشن بورڈ نے دونوں امیدواران وقاص اشفاق اور جاوید شاہین کے کاغذات مسترد کر دئیے جس کے بعد چوہدری جہانگیر بلامقابلہ کامیاب ہو گئے جن کے حامیوں نے خوشی میں آتشبازی کی اور مٹھائیاں تقسیم کیں جبکہ کاغذات نامزدگی مسترد ہونے والے امیدواران چوہدری وقاص اشفاق اور جاوید شاہین نے اس فیصلے کو مسترد کرتے ہوئے اس غیر قانونی اور غیر آئینی قرار دیا انکا کہنا تھا کہ چئیرمین الیکشن بورڈ جانبدار ہیں انکا فیصلہ ایسے ہی ہے جیسے ملک کے جنرل الیکشن میں کاغزات مسترد کئے جا رہے ہیں ہم نے اس غیر قانونی فیصلے سے پنجاب بار کو آگاہ کر دیا ہے اور باقاعدہ پٹیشن بھی دائر کریں گے سابق صدر بار میاں جاوید بیٹو نے اس فیصلے کو شرمناک اقدام اور بار کے جمہوری عمل پر حملہ قرار دیا ہے ایسے غیر قانونی اور غیر آئینی اقدامات سے بار کے وکلاء کی توہین کی گئی ہے جسے کوئی بھی بار ممبر تسلیم نہیں کرتا یہ فیصلہ بار میں مارشل لاء نافذ کرنے کے مترادف ہے سابق سیکرٹری بار حاجی رحمان کھوکھر نے چئیرمین الیکشن بورڈ کے فیصلہ کو آئینی قرار دیتے ہوئے کہا ہے کہ اس فیصلے سے بار کے الیکشن میں ضابطہ اخلاق کی خلاف ورزی کا خاتمہ ہو گا ہم اس فیصلے کے ساتھ کھڑے ہیں۔