ہمارے ادارے کا مقصد عوام کی جائز شکایات کا ازالہ کروانا ہے۔ایڈوائزر ٹو وفاقی محتسب
بورے والا(چوہدری اصغر علی جاوید سے)ایڈوائزر ٹو وفاقی محتسب محمود جاوید بھٹی کی بورے والا میں کھلی کچہری،شکایات کے انبار لگ گئے،میپکو کے خلاف 95 فیصد شکایات موصول،سوئی گیس،نادرا اور بی آئی ایس پی کے خلاف بھی درخواستیں موصول،وفاقی محتسب کے ایڈوائزر نے درخواستوں پر فوری سفارشات مرتب،تفصیلات کے مطابق وفاقی محتسب اعلی کے ملتان ریجن میں ایڈوائزر محمود جاوید بھٹی نے میونسپل کمیٹی بورے والا میں وفاقی محکموں کے خلاف عوام شکایات کے ازالہ کیلئے کھلی کچہری لگائی جس میں مقامی کسانوں اور عام صارفین نے میپکو کے خلاف بلاجواز جرمانوں،خراب میٹرز کی عدم تبدیلی،ایوریج بل اور دیگر مسائل کے حوالہ سے شکایات کے انبار لگ گئے،95 فیصد شکایات میپکو سے متعلق تھیں جبکہ محکمہ سوئی گیس،نادارا،بی آئی ایس پی اور دیگر محکموں کے متعلقہ کھلی کچہری میں موصول ہونی والی درخواستوں پر ایڈوائزر ٹو وفاقی محتسب نے متعلقہ محکموں کو ہدایات جاری کر دیں اس موقع پر محمود جاوید بھٹی کا کہنا تھا اس وقت واپڈا کے خلاف سب سے زیادہ شکایات موصول ہو رہی ہیں جن کے متعلق گزشتہ دنوں جاری ہونے والی ایک انکوائری رپورٹ میں یہ ثابت ہو چکا ہے کہ گزشتہ سالوں کے دوران واپڈا نے ملک بھر کے صارفین سے بلاجواز ایوریج بلوں،ڈیٹیکشن اور اوور ریڈنگ کے ذریعہ اربوں روپے اکٹھے کئے اس رپورٹ پر نیپرا نے بھی کوئی اعتراض نہیں اٹھایا ہمارے ادارے کا مقصد عوام کی جائز شکایات کا ازالہ کروانا ہے جس کیلئے شکایت کنندہ کو چاہیئے کہ وہ اپنی شکایات کے ازالہ کیلئے آن لائن یا کھلی کچھہریوں میں اپنے درخواستیں جمع کروائیں تاکہ انکو دفتروں کے چکر لگوائے بغیر انکی دہلیز پر ازالہ شکایات کا ازالہ ممکن بنایا جا سکے عوام کو سہولیات فراہم کرنے والے ادارے اگر اپنے دائرہ کار میں رہ کر سروسز کی فراہمی یقینی بنائیں تو عوامی شکایات میں خاطر خواہ کمی واقع ہو سکتی ہے۔
About Author
