ہمیں تعلیم کے ساتھ ساتھ فری لانسنگ پر توجہ مرکوز کرنا ہو گی۔ریحان اللہ والا

بورے والا(چوہدری اصغر علی جاوید سے)زرعی یونیورسٹی سب کیمپس بورے والا میں دوسری سالانہ انٹرنیشنل ایجوکیشن ایکسپو کا انعقاد،ایکسپو میں طلباء و طالبات کو آن لائن روزگار بارے مفید معلومات بارے آگاہی دی گئی،ایکسپو میں بیرون ممالک سے آئی ٹی ایکسپرٹس نے آن لان شرکت کی،تفصیلات کے مطابق زرعی یونیورسٹی فیصل آباد بورے والا کیمپس میں دوسری سالانہ ایجوکیشن ایکسپو کا انعقاد کیا گیا جس میں ریحان سکول کراچی کے سی ای او ریحان اللہ والا نے طلباء و طالبات کو فری لانسنگ اور ڈیجیٹل مارکیٹنگ کے متعلق مفید معلومات فراہم کیں جس میں طلباء و طالبات کو بہت کچھ سیکھنے کا موقع ملا انکا کہنا تھا کہ ہمیں تعلیم کے ساتھ ساتھ فری لانسنگ کے ذریعے پیشہ وارانہ مہارت سے روزگار کمانے پر توجہ مرکوز کرنا ہو گی ہمیں بچوں کو چھوٹی عمر میں ہی زندگی کے مشن کو سامنے رکھ کر آگے بڑھنے میں مدد دینے کی ضرورت ہے ایسا مشن جس سے لاکھوں لوگوں کو فائدہ حاصل ہو اس وقت دنیا میں ارننگ ود لرننگ کے تحت ڈیجیٹل مارکیٹنگ کے ذریعے نہ صرف روزگار کو مواقع پیدا ہورہے ہیں بلکہ کسی بھی ملک کے معاشی استحکام میں بہت اہم کردار ادا کیا جا رہا ہے اس پانچ روزہ انٹرنیشنل ایجوکیشن ایکسپو میں دنیا کے مختلف ممالک کے ڈیجیٹل مارکیٹنگ ایکسپرٹس اور موٹیویشنل سپیکرز آن لائن شرکت کر رہے ہیں تقریب میں پرنسپل پروفیسر ڈاکٹر ساجد محمود ندیم،ڈاکٹر محمد ابوبکر ایسوسی ایٹ ڈائریکٹر سٹوڈنٹس آفیئر،میڈیا کوآرڈینیٹر سید علی رضا،ڈائریکٹر ایفا سکول شیخ شہباز محمود،شہزاد مصطفی،سول سوسائٹی اور میڈیا کے علاوہ دیگر شخصیات بھی موجود تھیں۔