خالد نثار کو عدالت میں پیش نہ کیا گیا تو کل ڈی ایس پی آفس کا گھیراؤ اور دھرنا دیں گے۔وکلاء
بورے والا(چوہدری اصغر علی جاوید سے)پی ٹی آئی راہنماء مقامی وکیل خالد نثار ڈوگر کی گرفتاری اور لاپتہ کئے جانے کے خلاف بورے والا بار میں دوسرے روز بھی مکمل ہڑتال،عدالتوں کے داخلی و خارجی راستوں کی مکمل تالہ بندی،پولیس کا کچہری میں داخلہ بند،وکلاء کا خالد نثار کو گرفتاری کے بعد عدالت میں پیش نہ کرنے کے خلاف قومی شاہراہ ملتان روڈ پر احتجاجی مظاہرہ،خالد نثار کو عدالت میں پیش نہ کیا گیا تو کل ملتان روڈ پر احتجاجی دھرنا ہو گا اور ڈی ایس پی آفس کا گھیراؤ کریں گے،اعلامیہ جاری،تفصیلات کے مطابق پی ٹی آئی ساوتھ پنجاب کے راہنماء صوبائی اسمبلی کے ٹکٹ ہولڈر مقامی بار کے سینئر ممبر سردار خالد نثار ڈوگر کی ہفتہ اور اتوار کی درمیانی شب تھانہ ماڈل ٹاؤن پولیس کے ہاتھوں 10 مئی کو احتجاج کے حوالہ سے درج مقدمہ میں ان کے گھر سے گرفتاری اور اس کے بعد عدالت میں پیش کرنے کی بجائے لاپتہ کئے جانے کے خلاف بورے والا بار میں آج دوسرے روز بھی مکمل ہڑتال کی گئی وکلاء عدالتوں میں پیش نہیں ہوئے سیکرٹری بار میڈم راحیلہ منور،نائب صدر کاشف سلیمان،سابق صدور بار میاں افتخار احمد صابر،ملک فرقان یوسف کھوکھر،چوہدری سلمان یوسف گھمن،امیدوار صدر بار چوہدری وقاص اشفاق اور دیگر وکلاء کی قیادت میں عدالتوں کو جانے والے تمام داخلی و خارجی راستوں کی تالہ بندی کی گئی جبکہ پولیس کا کچہری میں داخلہ مکمل طور پر بند کر دیا گیا اس موقع پر وکلاء نے کچہری کے سامنے ملتان روڈ قومی شاہراہ پر احتجاجی مظاہرہ کرتے ہوئے روڈ بند کر دیا وکلاء قائدین نے خطاب کرتے ہوئے کہا کہ خالد نثار ڈوگر بار کے سینئر ممبر ہیں جنہیں پولیس نے تھانہ ماڈل ٹاؤن کے ایک مقدمہ میں گرفتار کرنے کے بعد عدالت میں پیش کرنے کی بجائے لاپتہ کر دیا ہے جو کہ پولیس کا غیر قانونی اقدام ہے اگر ان کے خلاف کوئی مقدمہ ہے تو عدالت کے روبرو پیش کیا جانا چاہیے تھا لیکن ملک میں جنگل کا قانون بن چکا ہے اگر خالد نثار کو 12 گھنٹوں میں عدالت کے روبرو پیش نہ کیا گیا تو کل سے ناصرف ضلع وہاڑی بلکہ پنجاب بھر میں پنجاب بار کونسل ہڑتال کی کال دے گی وکلاء عدالتوں میں کسی کو داخل نہیں ہونے دیں گے اور ملتان روڈ قومی شاہراہ پر احتھاجی دھرنا دینے کے علاوہ ڈی ایس پی آفس کا گھیراؤ کریں گے۔
About Author
