بار کے ممبر و پی ٹی آئی ٹکٹ ہولڈر خالد نثار ڈوگر کی گرفتاری کے خلاف بار میں مکمل ہڑتال
بورے والا(چوہدری اصغر علی جاوید سے)بار کے ممبر پی ٹی آئی ٹکٹ ہولڈر خالد نثار ڈوگر کی گرفتاری کے خلاف بار میں مکمل ہڑتال،ہنگامی اجلاس میں پولیس کا کچہری میں داخلہ بند کرنے کا فیصلہ،خالد نثار کو عدالت میں پیش نہ کیا گیا تو کل سے وکلاء ملتان روڈ پر احتجاجی دھرنا دینگے،ملک میں جنگل کا قانون اور لاقانونیت کی انتہاء، ہو گی،وکلاء کا اجلاس سے خطاب،تفصیلات کے مطابق بورے والا بار کے سینئر ممبر پی ٹی آئی ساوتھ پنجاب کے راہنماء و مقامی ٹکٹ ہولڈر سردار خالد نثار ڈوگر کی گرفتاری اور اس کے بعد عدالت میں پیش نہ کئے جانے کے خلاف بورے والا بار میں مکمل ہڑتال کی گئی وکلاء عدالتوں میں پیش نہیں ہوئے اس حوالہ سے کمیٹی روم میں ہنگامی اجلاس منعقد ہوا اجلاس سے خطاب کرتے ہوئے سیکرٹری بار راحیلہ منور،نائب صدر کاشف خاں سلدیرا،سابق صدور جاوید شاہین،ملک فرقان یوسف،سلمان یوسف گھمن،ملک فاروق اعوان،چوہدری مختار احمد جٹ،رانا الطاف حسین اور دیگر وکلاء نے کہا کہ اس وقت ملک میں جنگل کا قانون ہے پہلے سیاسی ورکرز کو گھروں سے اٹھایا جا رہا تھا اب وکلاء کی گرفتاریاں قابل مذمت ہیں لاقانونیت کی انتہاء ہو چکی ہے بار ممبر خالد نثار ڈوگر کو گرفتار کئے ہوئے 36 گھنٹے گزر گئے ہیں ابھی تک انہیں عدالت میں پیش نہیں کیا گیا اگر آج انہیں عدالت میں پیش نہ کیا گیا تو وکلاء کل سے ملتان روڈ پر احتجاجی دھرنا دیں گے اور احتجاج کا ہر رستہ اختیار کریں گے اور آج سے بار میں پولیس کا داخلہ بند کر دیا گیا ہے جو بھی پولیس اہلکار اب کچہری آیا وہ خود ذمہ دار ہو گا۔
About Author
