ڈی ایس پی بورے والا محمد عمر فاروق بلوچ کی ٹرانسفر پر یادگار الوداعی تقریب

بورے والا(چوہدری اصغر علی جاوید سے)ڈی ایس پی بورے والا محمد عمر فاروق بلوچ کی ٹرانسفر پر یادگار الوداعی تقریب،الوداعی تقریب کا اہتمام سول سوسائٹی نیٹ ورک کے پیٹرن انچیف شیخ شہزاد مبین نے کیا،ڈی پی او وہاڑی،سابق اراکین اسمبلی،سابق چیئرمین بلدیہ،ضلع بھر کے ڈی ایس پیز،تاجروں،وکلاء،ڈاکٹروں،سماجی تنظیموں اور دیگر نمائندہ شہریوں کی شرکت،نئے ڈی ایس پی کو استقبالیہ،تفصیلات کے مطابق ڈی ایس پی بورے والا محمد عمر فاروق بلوچ کی ٹرانسفر پر سول سوسائٹی نیٹ ورک کے پیٹرن انچیف شیخ اور انکی ٹیم نے سیرین ان کلب میں ایک یادگار الوداعی تقریب کا اہتمام کیا جس میں نئے آنے والے ڈی ایس پی ظفر اقبال ڈوگر کو استقبالیہ بھی دیا گیا اس تقریب میں ڈی پی او وہاڑی عیسی خاں سکھیرا،ایس پی انوسٹی گیشن فاروق احمد کمیانہ،اسسٹنٹ کمشنر عبدالباسط صدیقی،سابق اراکین اسمبلی چوہدری فقیر احمد آرائیں،سردار خالد محمود ڈوگر،سابق چیئرمین بلدیہ چوہدری محمد عاشق آرائیں،المدینہ ڈویلپرز کے چیف ایگزیکٹو چوہدری صدیق یوسف،ڈی ایس پیز میڈم روبینہ عباس،رانا تنویر سرور،اسلم حیات،صدر بار ہمایوں شکیل چیمہ،چیئرمین مرکزی انجمن تاجران چاچا ملک محمد اسلم،راو نور محمد،شیخ عابد فاروق،عثمان جمیل بھٹی،صدر انجمن آڑھتیاں غلہ منڈی چوہدری احتشام داود،ڈائریکٹر مریم گرلز کالج پروفیسر جاوید اقبال،ممبر ڈویژنل امن کمیٹی پیر محمد اقبال شاہ اور دیگر نمائندہ شخصیات نے بھی شرکت کی ڈی پی او وہاڑی عیسی خاں سکھیرا نے اپنے خطاب میں کہا کہ ڈی ایس پی عمر فاروق کی ایمانداری نے محکمہ کا سر فخر سے بلند کیا ایماندار اور فرض شناس آفیسر محکمہ کیلئے قابل فخر ہیں خلق خدا کی ایمانداری سے خدمت کرنے والا اجر عظیم کا حقدار ٹھہرتا ہے ظلم کا ہاتھ روکنا اور ظالم کو کیفر کردار تک پہچانا ہمارا فرض ہے محنت اور ایمانداری ہمارے معاشرے میں ناپید ہو چکے ہیں ایک باضمیر انسان دوسروں کے درد کو اپنا درد سمجھتا ہے ظالم کتنا ہی طاقتور کیوں نہ ہو اسکے سامنے ڈٹ جانا ایک سچے اور کھرے شخص کی نشانی ہےاورسچ پہ کھڑا ہو کر ہی معاشرے کے ناسوروں کا خاتمہ ممکن ہو سکتا ہے تقریب سے ایس پی انوسٹی گیشن فاروق احمد کمیانہ،سابق ارکان اسمبلی چوہدری فقیر احمد آرائیں،سردار خالد محمود ڈوگر،پیٹرن انچیف سول سوسائٹی نیٹ ورک شیخ شہزاد مبین اور ڈی ایس پی میڈم روبینہ عباس نے ڈی ایس پی محمد عمر فاروق کی محکمہ پولیس کیلئے قابل فخر خدمات کو خراج تحسین پیش کیا جبکہ ڈی ایس پی محمد عمر فاروق بلوچ نے کہا کہ میں نے اپنے ضمیر کے مطابق حق اور سچ کے ساتھ کھڑا ہو کر مظلوم کا ساتھ دیا اور ظالم کو اسکے انجام تک پہنچانے کی ہر ممکن کوشش کی ہے عوام کی جان و مال کے تحفظ کو یقینی بنانے کے لئے اپنی ذمہ داری کو ہمیشہ ایمانداری سے نبھانے کی کوشش کی ہے ظالم خواہ کتنا بھی طاقتور ہو اسکے سامنے جھکنا نہیں سیکھا۔