سابق اراکین اسمبلی نے تحصیل ہیڈ کوارٹر بورے والا میں ہفتہ صحت کا افتتاح کر دیا گیا

بورے والا(چوہدری اصغر علی جاوید سے)محکمہ صحت پنجاب کی جانب سے تحصیل ہیڈ کوارٹر بورے والا میں ہفتہ صحت کا افتتاح کر دیا گیا،سابق ارکان پارلیمنٹ نے صحت کیمپ کا افتتاح کیا،تفصیلات کے مطابق پنجاب بھر کی طرح بورے والا میں بھی ہفتہ صحت کا افتتاح کر دیا گیا تحصیل ہیڈ کوارٹر ہسپتال میں سابق ارکان پارلیمنٹ چوہدری فقیر احمد آرائیں اور سردار خالد محمود ڈوگر نے ایم ایس ٹی ایچ کیو ہسپتال ڈاکٹر عمران بھٹی کے ہمراہ کیمپ کا افتتاح کیا اس موقع پر سابق اراکین اسمبلی چوہدری فقیر احمد آرائیں اور سردار خالد محمود ڈوگر نے کہا کہ پنجاب حکومت کی جانب سے ہفتہ صحت منانے کا اقدام قابل ستائش ہے جہاں سے سینکڑوں افراد کیلئے اپنے علاج و معالجہ کے تمام بنیادی ٹیسٹ بلامعاوضہ ہونگے اور ہسپتال میں موجود ماہر ڈاکٹروں کی زیر نگرانی انکی تشخیص کے عمل میں آسانی پیدا ہو گی پنجاب حکومت عام آدمی کو سرکاری سطح پر صحت کی بنیادی سہولتوں کی فراہمی کیلئے انقلابی اقدامات کر رہی ہے جس سے مفت علاج و معالجہ کی تمام تر سہولیات کی فراہمی یقینی بنائی جا رہی ہے ایم ایس ٹی ایچ کیو ڈاکٹر عمران بھٹی نے اس ہفتہ صحت کیمپ کے حوالہ سے دی جانے والی سہولیات بارے میڈیا کو بریفنگ دی اور بتایا کہ چار روز تک جاری رہنے والے اس کیمپ میں بلاتفریق حکومتی ہدایات کے مطابق عوام کو تمام ممکنہ سہولیات فراہم کی جائیں گے اس موقع پر میڈیکل آفیسر ڈاکٹر تصور خاں بلوچ،عثمان جمیل بھٹی اور سردار نثار احمد ڈوگر بھی موجود تھے۔