میاں نواز شریف کے وطن واپسی سے ملک ایک بار پھر خوشحال ہو گا۔لیگی راہنماء
بورے والا(چوہدری اصغر علی جاوید سے)مسلم لیگ(ن) کے سربراہ سابق وزیر اعظم میاں نواز شریف کے استقبال اور لاہور جلسہ میں شرکت کے لئے بورے والا مسلم لیگ(ن) کے سابق اراکین اسمبلی کی قیادت میں انکے دفاتر سے بسوں کاروں اور کوسٹرز پر مشتمل کارکنان کے الگ الگ قافلے لاہور روانہ ہوئے حلقہ این اے 156 سے سابق ایم این اے چوہدری فقیر احمد آرائیں اور چوہدری نذیر احمد آرائیں کی قیادت میں سینکڑوں کارکنان کا قافلہ انکے دفتر واقع ایم بلاک سے روانہ ہوا جس میں مقامی لیگی عہدیداران و کارکنان شریک تھے دوسرا بڑا قافلہ سابق ایم پی اے سردار خالد محمود ڈوگر کے دفتر سے نکل کر لاہور روڈ پر موجود تھا اس قافلے میں سینکڑوں کارکنان نے لاہور روڈ پر ڈھول کی تھاپ پر بھنگڑے ڈالے تمام کارکنان پرجوش تھے سابق اراکین اسمبلی چوہدری فقیر احمد آرائیں اور چوہدری نذیر احمد آرائیں کی قیادت میں روانہ ہونے والا قافلہ بھی فوارہ چوک پہنچا جہاں سے بسوں،کوسٹرز اور درجنوں کاروں پر مشتمل یہ دونوں بڑے قافلے لاہور روانہ ہو گئے بسوں،کوسٹرز اور چھوٹی گاڑیوں پر سوار کارکنان پرجوش تھے اور وزیر اعظم نواز شریف کے نعرے لگا رہے تھے اکثر بسوں کی چھتوں پر بھی کارکنان سوار تھے تیسرا بڑا قافلہ جو کہ سابق ایم این اے حلقہ این اے 157 سید ساجد مہدی سلیم کے دفتر واقع لاہور روڈ آئی بلاک سے کوسٹرز،بسوں اور کاروں پر سینکڑوں کارکنان کو لیکر لاہور روانہ ہوا اس قافلے کی قیادت سید ساجد مہدی سلیم اور امیدوار صوبائی اسمبلی سابق ایم پی اے ملک نوشیر خاں لنگڑیال کر رہے تھے مسلم لیگی قافلوں میں سابق چیئرمین یوسیز،سابق ناظمین،سابق کونسلرز اور مختلف ونگز کے پارٹی عہدیداران کی کثیر تعداد موجود تھی۔
About Author
