میپکو بورے والا کی کاروائیاں،90 بجلی چور رنگے ہاتھوں گرفتار،55 لاکھ جرمانہ عائد

بورے والا(چوہدری اصغر علی جاوید سے)میپکو ڈویژن بورے والا کی بجلی چوروں اور نادھندگان کے خلاف کاروائیاں مزید تیز ہو گئیں،90 بجلی چور رنگے ہاتھوں پکڑ کر 55 لاکھ جرمانہ بھی عائد کر دیا،مقدمات درج،بجلی چور گرفتار،ایکسیئن میپکو ڈویژن بورے والا وسیم اختر نے اپنے دفتر میں میڈیا سے گفتگو کرتے ہوئے کہا کہ حکومت کی ہدایت پر بجلی چوروں کے خلاف پولیس کی مدد سے کاروائیاں مزید تیز کر دی گئی ہیں اب تک 90 بجلی چوروں کو ڈائریکٹ بجلی چوری کرتے ہوئے رنگے ہاتھوں پکڑ کر انکے خلاف مقدمات درج کروانے کے علاوہ انہیں مجموعی طور پر 55 لاکھ روپے جرمانہ بھی عائد کیا گیا ہے اس کے علاوہ ٹیوب ویلز کے نادھندگان کے خلاف سخت کاروائی کرتے ہوئے ایک ارب سے زائد کی رقم بقایاجات کی شکل میں وصول کر لی ہے جبکہ مجموعی طور پر نادھندگان کے ذمہ ساڑھے تین ارب روپے کے بقایاجات ہیں کسان اتحاد کے نام سے ادائیگیاں نہ کرنے والے ان مافیاز سے مکمل بقایاجات کی وصولی یقینی بنائی جائے گی اور کسی بھی قسم کی رکاوٹ کا دباو ہرگز قبول نہیں کریں گے نادھندھان سے ایک ایک پائی وصول کر کے قومی خزانے میں جمع کروائیں گے اور بجلی چوروں کے خلاف گھیرا مزید تنگ کریں گے اس موقع پر واپڈا ہائیڈرو الیکٹرک لیبر یونین زونل چیئرمین شاہد باری چوہان،ساجد علی اور رانا مبشر حسن بھی موجود تھے۔