چشتیاں روڈ،ساہوکا اور کچی پکی روڈ ٹوٹ پھوٹ کا شکار،لوگوں کو شدید مشکلات کا سامنا

بورے والا(چوہدری اصغر علی جاوید سے)سیلابی تباہی کے بعد متاثرین کو شدید مشکلات کا سامنا،چشتیاں روڈ،ساہوکا اور کچی پکی روڈ ٹوٹ پھوٹ کا شکار،جگہ جگہ گہرے گڑھے پڑ گئے،سینکڑوں مواضعات اور بستیوں کے ہزاروں افراد کی روزمرہ کی آمدو رفعت بند ہونے سے زرعی اجناس کی منڈی تک رسائی بھی رک گئی،پیدل،سائیکل،موٹر سائیکل تک کا راستہ بھی موجود نہیں شہریوں کا ڈی سی وہاڑی سے سیلاب سے تباہ شدہ ساہوکا چشتیاں روڈ جلد مرمت کر کے بحال کرنے کا مطالبہ،تفصیلات کے مطابق دریائے ستلج میں تباہ کن سیلاب کی آمد نے ہر طرف تباہی مچائی جس سے ہزاروں افراد بے گھر ہو چکے ہیں اور وہ کھلے آسمان تلے بیٹھے ہوئے ہیں لاکھوں ایکڑ پر کھڑی فصلیں تباہ ہو گئی سیلابی پانی میں کمی ہوتے ہی نقل مکانی کر کے آئے ہوئے متاثرین نے گھروں کو لوٹنا شروع کر دیا ساہوکا سے چشتیاں جانے والا 8 کلو میٹر ساہوکا پتن روڈ جگہ جگہ گہرے گڑھوں شگافوں میں تبدیل ہو چکا ہے سیلابی پانی نے 2/2 سو میٹر کی لمبائی اور 20/20 فٹ کی گہرائی تک سڑک کو تباہ کر کے رکھ دیا ہے ساہوکا پتن چشتیاں روڈ تباہ ہونے کی وجہ سے مواضعات مجید شاہ،موضع دلہ عاکوکا،شاہ وینس،ساہوکا،نوشہرہ جملیرا،بستی غلام فرید عاکوکا،بستی امین خان عاکوکا،تنازعہ،بستی اجیراں والی،بستی سیالیانوالی،بستی حاجی عثمان خان عاکوکا،بستی شمس دین کھرل،بستی عمران خان عاکوکا،بستی بابا لال شاہ کھگہ سمیت دیگرآبادیوں کے ہزاروں افراد مرد و خواتین،طلباء و طالبات،بچے، بوڑھے روڈ سے آمد ورفعت بند ہونے کی وجہ سے اپنے اپنے گھروں میں محصور ہو کر رہے گئے ہیں مقامی شہریوں اللہ بخش ساہوکا،غلام یاسین ساہوکا،مختیار خان ساہوکا،محمد ندیم خان ساہوکا،محمد رمضان ساہوکا آڑھتی،حافظ یاسین انصاری،یوسف ڈاہر،عبدالرؤف ساہوکا،راجہ غلام نبی ساہوکا،ظفراقبال،محمد فاروق،سید ریاست علی شاہ،حافظ شیر علی اجیرا،سیٹھ محمد آصف،فدا حسین ساہوکا و دیگر نے وزیر اعلیٰ پنجاب محسن نقوی،کمشنر ملتان،ڈی سی وہاڑی اور اے سی بورے والا سے اپنے گھروں کو جانے والے اکلوتے چشتیاں روڈ کی سیلابی تباہی کے بعد بحالی کا مطالبہ کیا ہے۔