علم کے حصول کے بغیر کسی بھی میدان میں ترقی ممکن نہیں۔سید آصف شاہ

بورے والا(چوہدری اصغر علی جاوید سے)ڈپٹی کمشنر وہاڑی سید آصف حسین شاہ نے کہا ہے کہ پاکستان لاکھوں قربانیاں دے کر حاصل کیا گیا ہے آج ہم جس دور سے گزر رہے ہیں اس میں قوم کو ایک روشن پاکستان کی مثبت سوچ کے آگے بڑھنے کا جذبہ پیدا کرنا ہے،نئی نسل کو مایوسی سے نکال کر انکی بہتر تعلیم و تربیت کر کے معاشرے کا ایک کار آمد شہری بنانا ہے،علم کے حصول کے بغیر کسی بھی میدان میں ترقی ممکن نہیں سماجی شعبے کا جدید دور کے تقاضوں سے ہم آہنگ امیر اور غریب کیلئے تعلیم کا یکساں حصول ممکن بنانا قابل ستائش عمل ہے،ان خیالات کا اظہار انہوں نے “کینڈی سکول و کالج” ملتان روڈ میں آزادی اور یوم دفاع کے حوالہ سے منعقدہ تقریب سے خطاب کرتے ہوئے کیا تقریب سے سابق اراکین اسمبلی چوہدری فقیر احمد آرائیں،چوہدری نذیر احمد آرائیں،سردار خالد محمود ڈوگر،چوہدری محمد یوسف کسیلیہ،سول سوسائٹی نیٹ ورک کے پیٹرن انچیف شیخ شہزاد مبین،سی ای او ایجوکیشن چوہدری سعید احمد اور ڈائریکٹر کینڈی سکول وکالج پروفیسر جاوید اقبال نے بھی خطاب کیا جبکہ تقریب میں اسسٹنٹ کمشنرعبدالباسط صدیقی،ایم ایس ٹی ایچ کیو ڈاکٹر عمران بھٹی،ڈائریکٹر پنجاب کالج پروفیسر مجید اکبر،ڈپٹی ایجوکیشن افسران مس صدف نذیر،چوہدری نثار احمد،معروف بزنس مین شیخ شاہ رخ،(ر) پرنسپل گورنمنٹ کالج پروفیسر خوشی محمد شہزاد،پرنسپل دی سٹی سکول محمد امجد،صدر غلہ منڈی چوہدری احتشام داود،رائس ملز ایسوسی ایشن کے نائب صدر عدیل مقصود،پرنسپل مریم گرلز کالج پروفیسر عمران،پروفیسر مشتاق احمد،تعلیمی اداروں کے سربراہان اور نمائندہ شہریوں کی کثیر تعداد نے شرکت کی کالج اور سکول کے بچوں نے خوبصورت ٹیبلو اور ملی نغمے بھی پیش کئے۔