ڈپٹی کمشنر وہاڑی نے ایم سی لائیبریری کی تزئین و آرائش کے منصوبے کا افتتاح کر دیا

بورے والا(چوہدری اصغر علی جاوید سے)ڈپٹی کمشنر وہاڑی سید آصف حسین شاہ نے میونسپل لائیبریری کی تزئین و آرائش،ایئرکنڈیشنڈ اور کمپیوٹرز کی فراہمی کے منصوبے کا افتتاح کر دیا،ڈپٹی کمشنر نے اسسٹنٹ کمشنر بورے والا عبدالباسط صدیقی،چیف آفیسر بلدیہ امتیاز احمد جوئیہ،پیٹرن انچیف سول سوسائٹی نیٹ ورک شیخ شہزاد مبین،میونسپل انجینئر حافظ وسیم احمد،معروف بزنس مین شیخ شاہ رخ اور نمائندہ شہریوں کی موجودگی میں تاریخی لائیبریری کی سول سوسائٹی نیٹ ورک کے تعاون سے کی جانے والی تزئین و آرائش،ایئرکنڈیشنڈ،کمپیوٹرز اور انٹرنیٹ کی فراہمی کے منصوبے کا افتتاح کرتے ہوئے کہا کہ کتابوں سے پیار اور انکی حفاظت علم دوستی ہے تعلیم و تحقیق کیلئے کتب سے لگاؤ اور ان سے استفادہ حاصل کرنے والی قومیں ہی ترقی کی منازل طے کرتی ہیں لائیبریاں ہمارا قیمتی اثاثہ ہیں سول سوسائٹی بورے والا نے نہ صرف علم دوستی کا ثبوت دیا ہے بلکہ سرکاری اداروں سے ملکر ہمیشہ شہر کی تعمیر و ترقی میں اپنا کردار ادا کیا ہے اس موقع پر صدر انجمن آڑھتیاں غلہ منڈی چوہدری احتشام داود،رائس ملز ایسوسی ایشن کے نائب صدر عدیل مقصود،پریس کلب کے عہدیداران اور دیگر نمائندہ شہری بھی موجود تھے۔