لاہور،ساہیوال اور بہاولنگر موٹروے وزیر اعظم کا جنوبی پنجاب کیلئے تحفہ ہے۔ساجد مہدی،فقیر آرائیں

بورے والا(چوہدری اصغر علی جاوید سے)قومی اسمبلی کی قائمہ کمیٹی برائے سائنس و ٹیکنالوجی کے چیئرمین سید ساجد مہدی سلیم اور وفاقی پارلیمانی سیکرٹری برائے اکنامک افیئر چوہدری فقیر احمد آرائیں نے کہا ہے کہ وزیر اعظم شہباز شریف نے لاہور،ساہیوال اور بہاولنگر موٹروے منصوبے کا افتتاح کر کے جنوبی پنجاب کے موٹروے سے محروم علاقوں کا احساس محرومی دور کر دیا ہے اس نئے منصوبے سے نہ صرف بہاولنگر ساہیوال بلکہ بورے والا،عارف والا اور وہاڑی سمیت جنوبی پنجاب کے دیگر ملحقہ اضلاع بھی موٹروے سے منسلک ہو جائیں گے بورے والا کو غازی آباد سے موٹر وے انٹر چینج سے رسائی حاصل ہونے سے لاہور اور اسلام آباد سمیت وسطی و اپر پنجاب کے شہروں تک تیز ترین سفر کی سہولت میسر آئے گی مسلم لیگ(ن) کو یہ اعزاز حاصل ہے کہ اس نے چھوٹے اور دور افتادہ شہروں کو موٹرویز سے منسلک کیا ہے یہ نیا منصوبہ جنوبی پنجاب کے عوام کی محرومیوں کے ازالہ میں مدد گار ثابت ہو گا وزیر اعظم میاں شہباز شریف نے بورے والا اور ضلع وہاڑی کے عوام کی سہولت کیلئے ہمارے مطالبہ پر ان شہروں کی موٹروے تک رسائی کو یقینی بنانے میں عوام دوستی کا ثبوت دیا ہے،ان خیالات کا اظہار انہوں نے بورے والا میں میڈیا کے نمائندوں سے گفتگو کرتے ہوئے کیا۔