ورلڈ بنک منصوبے کا کریڈٹ لینے والوں کو چوہدری عاشق آرائیں کا مناظرے کا چیلنج

بورے والا(چوہدری اصغر علی جاوید سے)سابق چیئرمین بلدیہ چوہدری محمد عاشق آرائیں نے ورلڈ بنک منصوبے کا کریڈٹ لینے والوں کو مناظرے کا چیلنج کر دیا،ورلڈ بنک ماڈل سٹی منصوبے کی منظوری اور 2 ارب فنڈز کی فراہمی ہمارے دور میں ہو چکی تھی،منصوبے کی منظوری میں رانا عامر کریم کا کردار قابل فخر ہے جن کی مکمل راہنمائی سے بورے والا پنجاب کے آٹھ ماڈل سٹی شہروں کے منصوبے میں شامل ہوا اس منصوبے میں تاخیر کے ذمہ داران عوام کے سامنے جوابدہ ہیں سابق چیئرمین بلدیہ چوہدری محمد عاشق آرائیں نے اپنے دفتر میں ایک ہنگامی پریس کانفرنس سے خطاب کرتے ہوئے کہا کہ 2019 میں پی ایم ڈی ایف سے ملکر میونسپل کمیٹی بورے والا نے اس تاریخی منصوبے کی بنیاد رکھی جس میں دو ارب روپے کی خطیر رقم میونسپل کمیٹی کے اکاونٹ میں آ چکی تھی جس سے ابتدائی طور پر مختلف پارکوں کی بحالی اور اہم مقامات پر سٹریٹ لائٹس بھی نصب کر دی گئی تھیں اس کے بعد بلدیاتی ادارے ختم کر دیئے گئے تھے اور حکومتیں تبدیل ہونے پر یہ منصوبہ سیاسی رسہ کشی کا شکار رہا لیکن اس منصوبے کی تکمیل کیلئے سڑکوں کی تعمیر،نئے تفریحی پارکس،سٹریٹ لائٹس اور پینے کے صاف پانی کی فراہمی کا پلان میونسپل کمیٹی کے ممبران نے اجلاس میں پاس کر کے پی ایم ڈی ایف سی کے سپرد کر دیا تھا اب افسوس کا مقام ہے کہ جو لوگ اس منصوبے میں کسی بھی مرحلہ پر موجود نہیں تھے وہ آج اسکا کریڈٹ لینے کی کوشش کر رہے ہیں حالانکہ انکے دور میں شہر میں 34 کروڑ روپے کی لاگت سے 2013 میں منظور ہونے والا سیوریج کا منصوبہ جو اب ایک ارب روپے سے بھی تجاوز کر گیا ہے اسکا جو حشر ہوا ہے اس عوام دشمنی پر کسی نے آواز نہیں اٹھائی اب اس سیوریج کے منصوبے کو مکمل کرنے والے ایک منظور نظر ٹھیکیدار نے ناصرف اس منصوبے کے نقشہ کے برعکس کروڑوں روپے زمین میں جھونک دیئے ہیں بلکہ اب ورلڈ بنک منصوبے کی سڑکوں کے پلان میں ردوبدل کروا کے اس میں بھی کرپشن کی بنیاد رکھ دی گئی ہے 2019 میں ملنے والی اس منصوبے کے 2 ارب روپے میونسپل کمیٹی کے اکاونٹ میں اب تک منافع کے ساتھ لگ بھگ سوا دو ارب تک پہنچ چکے ہونگے انہوں نے کہا کہ ورلڈ بنک کے ابتدائی پلان کے مطابق اگر سڑکوں کی تعمیر شروع نہ کروائی گئی تو اس منصوبے کا بھی وہی حشر ہو گا جو اس سے پہلے سیوریج کے میگا پراجیکٹ کا ہو چکا ہے عوام کا اربوں روپے جو شہر کی تعمیروترقی کیلئے عوام کی امانت ہے اس میں کرپشن،بے ضابطگی اور نااہلی کا مظاہرہ کرنے والوں کا ہم سب کو ملکر محاسبہ کرنا ہو گا چوہدری محمد عاشق آرائیں نے کہا کہ مجھے بورے والا کے عوام نے بطور چیئرمین منتخب کیا تھا اور اس ذمہ داری کو اپنے ضمیر کے مطابق انتہائی ایمانداری سے نبھانے کی کوشش کی ہے اور آئندہ بھی اگر عوام نے اس شہر کی نمائندگی کیلئے مجھ پہ اعتماد کا اظہار کیا تو یقین دلاتا ہوں کہ شہر کی تمام محرومیوں کا ازالہ کرنے کی ہرممکن کوشش کروں گا۔