نیلی بار کلب کی تکیمل میں شیخ شہزاد مبین کا کردار ناقابل فراموش ہے۔امجد خوشی

بورے والا(چوہدری اصغر علی جاوید سے)نومنتخب سیکرٹری نیلی بار کلب بورے والا محمد امجد خوشی نے کہا ہے کہ نیلی بار کلب کو تمام تر سہولتوں سے آراستہ کرنا ہمارا عزم ہے،شہر کے تمام سٹیک ہولڈر اس منصوبے کے زیر تکیمل کاموں میں اپنا کردار ادا کریں کیونکہ یہ تمام شعبہ ہائے زندگی کے نمائندہ افراد کی تفریح کیلئے ایک تاریخی منصوبہ ہے نیلی بار کلب کے پہلے مرحلے کی تکیمل میں سابق سیکرٹری شیخ شہزاد مبین اور انکی ٹیم کا کردار ناقابل فراموش ہے جس کی بدولت آج شہر میں اپنی نوعیت کا ایک شاندار تفریحی منصوبہ اپنی تکمیل کی جانب گامزن ہے بہت جلد کلب کا کیفے ٹیریا،جم اور واکنگ ٹریک کو مکمل کر کے ممبران کو یہ سہولت فراہم کر دی جائیں گے نیلی بار کلب کی نئی ٹیم اس کے صدر اسسٹنٹ کمشنر عبدالباسط صدیقی کی قیادت میں اسکو سٹیٹ آف دی آرٹ بنانے میں اپنی تمام تر صلاحیتیں بروئے کار لائے گی،ان خیالات کا اظہار انہوں نے پریس کلب بورے والا کی جانب سے دیئے گئے استقبالیہ کے موقع پر میڈیا کے نمائندوں سے گفتگو کرتے ہوئے کیا اس موقع پر نیلی بار کلب کے نومنتخب ممبر بورڈ آف گورنر سردار سکندر حیات ڈوگر بھی موجود تھے اس موقع پر پریس کلب کی جانب سے سیکرٹری نیلی بار کلب محمد امجد خوشی کو یادگاری شیلڈ بھی پیش کی گئی۔