سپورٹس جوڑے شعیب ملک اور ثانیہ مرزا کی بھارتی کرکٹرز کے ساتھ تصویر پر بھارتیوں کا ہنگامہ
لندن(سپورٹس ڈیسک)پاکستان کی بہو ثانیہ مرزا ومبلڈن میں سال کے تیسرے گرینڈ سلم میں شرکت کے لیے برطانیہ پہنچی تھیں تاہم وہ ٹورنامنٹ کے ابتدائی مرحلے میں ہی باہر ہو گئیں،برطانیہ میں موجود ثانیہ مرزا شکست کے غم میں مبتلا تھیں تو ان کے شوہر شعیب ملک حالیہ چمپئنز ٹرافی میں پاکستان کی فتح کی خوشی میں سرشار تھے ایسے میں شعیب ملک نے آگے بڑھ کر ثانیہ کی ڈھارس بندھائی اور حوصلہ بڑھایا دونوں میاں بیوی موقع سے فائدہ اٹھاتے ہوئے سیر و تفریح پر نکل گئے سپورٹس جوڑے نے ظہیر خان،اظہر محمود اور اشیش نہرا سمیت اپنے دیگر دوست کھلاڑیوں سے بھی ملاقاتیں کیں اور خوب لطف اندوز ہوئے بھارت کے سابق کرکٹر ظہیر خان کی بیوی ساگریکا گھاٹگے نے ان لمحات کی ایک تصویر سوشل میڈ یا ایپ انسٹا گرام پر شیئر کی تو بھارتیوں نے آسمان سر پر اٹھا لیا بھارت میں مودی سرکار آنے کے بعد شدت پسندی عروج پر پہنچ گئی ہے اور انتہا پسند ہندووں پاکستان کے خلاف زہر اگنے کا کوئی بھی موقع ہاتھ سے نہیں جانے دیتے ۔یہ ہی وجہ ہے کہ بھارتی شہری سوشل میڈ یا پر پاکستان پر تنقید کرتے ہوئے تمام حدیں عبور کر جاتے ہیں۔