ورلڈ بنک ماڈل سٹی منصوبے کے تحت کروڑوں کی جدید مشینری فراہم کر دی،ڈی سی وہاڑی
بورے والا(چوہدری اصغر علی جاوید سے)ورلڈ بنک ماڈل سٹی پروگرام کے تحت میونسپل کمیٹی بورے والا کو کروڑوں روپے کی مشینری فراہم کر دی گئی،شہر کی سڑکوں کی تعمیر اور سٹریٹ لائٹس کیلئے بھی ایک ارب 20 کروڑ کی گرانٹ بھی جاری،ڈپٹی کمشنر وہاڑی سید آصف حسین شاہ نے مسلم لیگ(ن) کے اراکین پارلیمنٹ،سابق ارکان اسمبلی،سول سوسائٹی،انجمن تاجران اور نمائندہ شہریوں کے ہمراہ صفائی اور نکاسی آب کیلئے ملنے والی جدید مشینری کا افتتاح کر دیا اس سلسلہ میں افتتاحی تقریب بلدیہ کالونی میں منعقد ہوئی جس کے مہمان خصوصی ڈپٹی کمشنر وہاڑی سید آصف حسین شاہ تھے جبکہ وفاقی پارلیمانی سیکرٹری برائے اکنامک افیئر چوہدری فقیر احمد آرائیں،قومی اسمبلی کی سٹینڈنگ کمیٹی برائے سائنس و ٹیکنالوجی کے چیئرمین سید ساجد مہدی سلیم،اسسٹنٹ کمشنر عبدالباسط صدیقی،سابق ارکان اسمبلی سردار خالد محمود ڈوگر،ملک نوشیر خاں لنگڑیال،چوہدری خبیب یونس کسیلیہ،چیف آفیسر میونسپل کمیٹی امتیاز احمد جوئیہ،میونسپل انجینئر حافظ وسیم احمد،معروف سماجی شخصیت رانا طاہر کریم،سول سوسائٹی نیٹ ورک کے پیٹرن انچیف شیخ شہزاد مبین،صدر مرکزی انجمن تاجران چوہدری صغیر رامے،چاچا ملک محمد اسلم،ضلعی صدر مسلم لیگ(ن) منظور برکت ماڑی والا،سٹی صدر شاہد نواب خاں،سابق کونسلرز بلدیہ سردار ظہور احمد ڈوگر،رانا مظہر مختار،صدر انجمن آڑھتیاں غلہ منڈی چوہدری احتشام داود،سابق صدر وہاڑی چیمبر آف کامرس غضنفر علی اور دیگر نمائندہ شخصیات نے بھی شرکت کی تقریب سے خطاب کرتے ہوئے ڈپٹی کمشنر وہاڑی سید آصف حسین شاہ نے کہا کہ ورلڈ بنک پروگرام(پی ایم ڈی ایف سی) کے تحت بورے والا کو ماڈل سٹی بنانے کے کام کا آغاز ہو چکا ہے اس پروگرام کے تحت سیکرٹری کوآرڈینیشن وزیر اعلی پنجاب رانا عامر کریم کی خصوصی کاوش سے ناصرف میونسپل کمیٹی کو صفائی اور نکاسی آب کیلئے ساڑھے 13 کروڑ روپے کہ جدید مشینری جس میں 18 ٹریکٹر،4 جدید کمپیکٹر گاڑیاں،12 ہائیڈرالک رکشے،تین پک اپ وینز اور 400 سے زائد چھوٹے بڑے کنٹینرز کی فراہمی کے علاوہ شہر کی تمام سڑکوں کی تعمیر اور سٹریٹ لائٹس کیلئے ایک ارب 20 کروڑ سے زائد کی گرانٹ بھی جاری ہو چکی ہے جس پر کام کا آغاز آئندہ ماہ سے ہو جائے گا اس پروگرام میں پنجاب کی 16 تحصیلوں کو شامل کیا گیا ہے جس میں ضلع وہاڑی کی دو تحصیلیں بورے والا اور وہاڑی شامل ہیں جس میں موجودہ اور سابق ارکان اسمبلی کی خصوصی کاوش شامل ہے چیئرمین سٹیندنگ کمیٹی برائے سائنس و ٹیکنالوجی ممبر قومی اسمبلی سید ساجد مہدی سلیم اور وفاقی پارلیمانی سیکرٹری برائے اکنامک افیئر چوہدری فقیر احمد آرائیں نے کہا کہ مسلم لیگ(ن) کے دور میں منظور ہونے والے اس ورلڈ بنک کے میگا پراجیکٹ کی تکیمل بھی مسلم لیگ(ن) کے دور حکومت میں ہو رہی ہے جس میں وزیر اعلی پنجاب کے سیکرٹری کوآرڈینیشن رانا عامر کریم کی اپنے شہر کیلئے کاوشیں قابل ستائش ہیں ہماری کوشش ہے کہ اپنے دور حکومت میں اس شہر کو ماڈل سٹی بنا دیا جائے تقریب سے سابق ممبران پنجاب اسمبلی سردار خالد محمود ڈوگر،ملک نوشیر خاں لنگڑیال،چوہدری خبیب یونس کسیلیہ،معروف سماجی شخصیت رانا طاہر کریم،سول سوسائٹی نیٹ ورک کے پیٹرن انچیف شیخ شہزاد مبین پیٹرن،مرکزی انجمن تاجران کے صدر چوہدری محمد صغیر رامے اور دیگر مقررین نے بھی خطاب کیا۔
About Author
