یوکرائن سے منگوائی گئی گندم انتہائی ناقص،خراب گندم مفت آٹا سکیم میں جھونک دی

بورے والا(چوہدری اصغر علی جاوید سے)یوکرائن سے منگوائی گئی گندم انتہائی ناقص اور مضر صحت،حکومت نے خراب گندم مفت آٹا سکیم میں جھونک دی،فلور ملوں نے بھی سپلائی ہونے والی گندم کو غیر معیاری قرار دے دیا،ملوں کو زبردستی ناقص گندم کی فراہمی جاری،عوام مضر صحت آٹا کھانے پر مجبور،تفصیلات کے مطابق حکومت کی طرف سے ملکی غذائی ضرورت پورا کرنے کیلئے چند ماہ قبل یوکرائن سے منگوائی گئی ہزاروں ٹن گندم انتہائی غیر معیاری اور مضر صحت ہو چکی تھی جسے تلف کرنے کی بجائے حکومت نے اپنی نااہلی چھپانے کیلئے یہ ساری گندم مقامی گندم آنے سے پہلے مفت آٹا سکیم کے تحت اربوں روپے کی سبسڈی دیکر فلور ملوں کو سپلائی کرنا شروع کر دی ہے جس پر فلور ملز کی طرف سے مفت آٹا تقسیم سینٹرز پر اس ناقص اور غیر معیاری سیاہ گندم سے تیار کردہ آٹے کی سپلائی شروع کر رکھی ہے جسے ایک دفعہ لے کر جانے والا شہری دوبارہ لینے کی ہمت نہیں کرے گا کیونکہ یہ آٹا انسان تو کیا جانور بھی شاید نہ کھا سکیں حکومت کی طرف سے منگوائی گئی ہزاروں ٹن یوکرائنی گندم اب عوام کو مفت آٹا ریلیف پیکیج کے تحت آٹے کی صورت میں کھانا پڑے گی اس ناقص اور غیر معیاری گندم پر فلور ملز مالکان نے بھی شدید تحفظات کا اظہار کرتے ہوئے حکومت سے آٹا سکیم کے لئے مقامی گندم کی فراہمی کا مطالبہ کر دیا ہے۔