نمایاں کارکردگی پر ٹیچرز کی حوصلہ افزائی قابل ستائش ہے۔شیخ شہزاد
بورے والا(چوہدری اصغر علی جاوید سے)سول سوسائٹی نیٹ ورک کے پیٹرن انچیف شیخ شہزاد مبین نے کہا ہے کہ سرکاری سکولوں میں نمایاں کارکردگی پر ٹیچرز کی حوصلہ افزائی قابل ستائش ہے اپنی ڈیوٹی کو ایمانداری سے پورا کرتے ہوئے نئی نسل کو تعلیم کے ساتھ ساتھ انکی تربیت پر خصوصی توجہ دینے کی ضرورت ہے،بچوں کی تربیت میں گھر سے اگر بہتر ہو گی تو وہ تعلیمی ادارہ میں جا کر اپنی تربیت سے دیگر بچوں کو بھی متاثر کرے گا جس اساتذہ کے تربیتی عمل کو تقویت ملے گی ہمیں اپنی نئی نسل کو ایک اچھا انسان بنانے پر توجہ دینے کی ضرورت ہے،ان خیالات کا اظہار انہوں نے محکمہ تعلیم زنانہ تحصیل بورے والا کی طرف سے سکولوں میں بہتر کارکردگی کا مظاہرہ کرنے والی خواتین ٹیچرز میں تعریفی سرٹیفیکیٹس تقسیم کرنے کی تقریب سے خطاب کرتے ہوئے کیا تقریب سے خطاب میں ڈپٹی ایجوکیشن آفیسر مس صدف نذیر نے بتایا کہ تحصیل بھر کے 206 میں سے 52 سکولوں کی ٹیچرز نے اعلی کارکردگی کا مظاہرہ کیا جن میں درجہ چہارم کے دو ملازمین کی کارکردگی بھی قابل ستائش رہی اس تقریب کا مقصد اعلی کارکردگی کی حامل اساتذہ اور درجہ چہارم ملازمین کی حوصلہ افزائی ہے تقریب سے ڈائریکٹر مریم گرلز کالج پروفیسر جاوید اقبال،پرنسپل ٹیکنیکل کالج،صدر انجمن آڑھتیاں غلہ منڈی چوہدری احتشام داود،صدر پریس کلب چوہدری اصغر علی جاوید اور وقاص نذیر چھینہ نے بھی خطاب کیا جبکہ اس موقع پر چیئرمین پریس کلب حافظ جنید احمد،جنرل سیکرٹری چوہدری محمد صفدر،غلام فرید کھچی،چوہدری محمد کاشف،سید سجاد حسین شاہ اور دیگر شخصیات بھی موجود تھیں۔
About Author
