عمران خان جھوٹ بولنے کا انٹرنیشنل ماہر ہے جو عدلیہ کے فیصلوں کو تسلیم نہیں کرتا۔تہمینہ دولتانہ

بورے والا(آفتاب نذیر سے)مسلم لیگ(ن) کی سینئر راہنما و سابق وفاقی وزیر محترمہ تہمینہ دولتانہ اور ممبر قومی اسمبلی چیئرمین اسٹینڈنگ کمیٹی برائے سائنس اینڈ ٹیکنالوجی سید ساجد مہدی سلیم شاہ نے کہا ہے کہ تین مرتبہ وزیر اعظم رہنے والے آئین اور قانون کی پاسداری کرنے والے میاں نواز شریف کو کس جرم کی سزا دی گئی ہے اس نے عدلیہ کے فیصلوں کو تسلیم کیا لیکن ایک ایسا شخص عمران خان جو نہ آئین قانون اور عدلیہ کے فیصلوں کو تسلیم کرتا ہے اور عدالت میں پیش ہونے کی بجائے لیت و لعل سے کام لے رہا ہے،ان خیالات کا اظہار انہوں گزشتہ روز گلبرگ ٹاؤن میں مسلم لیگ کے پبلک آفس میں میڈیا کے نمائندوں سے گفتگو کرتے ہوئے کیا انہوں نے کہا کہ اب پھر وہ اقتدار حاصل کرنے کیلئے ملک کو معاشی اور سیاسی طور پر نقصان پہنچانے کا کوئی موقع ہاتھ سے نہیں جانے دے رہا جھوٹ بولنے کا انٹرنیشنل ماہر ہے پہلے اپنی حکومت سے گرانے کا ملبہ امریکہ سے شروع کر کے نگران وزیر اعلیٰ محسن نقوی تک پہنچا دیا اور اب اپنی تمام ناکامیوں کا ذمہ دار اپنے محسن جنرل ر قمر جاوید باجوہ کو ٹھہرا رہا ہے میڈیا سے گفتگو کرتے ہوئے سابق ایم این اے چوہدری نذیر احمد آرائیں،سابق ممبران پنجاب اسمبلی میاں عرفان دولتانہ،میاں ثاقب خورشید،سردار خالد محمود ڈوگر ایڈووکیٹ اور ملک نوشیر انجم لنگڑیال نائب صدر مسلم لیگ ن لائرزونگ پنجاب نے کہا کہ سابق وزیر اعلی پنجاب چوہدری پرویز الٰہی کی آڈیو لیک کی فرانزک رپورٹ کروا کے تحقیقات کروائی جائے اور اس کیس کو جوڈیشل کونسل میں بھیجا جائے انہوں نے کہا کہ عمران خان کارکنوں کو جیل بھرو تحریک شروع کرنے سے پہلے خود اپنی ضمانتیں کروانے کی بجائے گرفتاری دے کر جیل بھرو تحریک کا آغاز کرے عمران خان نے گرفتاری کے خوف سے اپنی رہائش گاہ زمان پارک کے باہر عورتوں اور بچوں کو ڈھال بنا کر بٹھایا ہوا ہے اس موقع پر سابق چیئرمینز محمد رمضان کالی،حاجی عبدالرزاق کھوکھر،میاں شاہد صاحبزادہ،لیاقت علی بھٹی،ڈاکٹر خورشید،اجمل سیال،آفتاب ساہوکا ایڈووکیٹ اور دیگر بھی موجود تھے۔