مہنگائی کے خلاف پی ٹی آئی کے امیدوار خالد نثار ڈوگر کی قیادت میں ریلی

بورے والا(چوہدری اصغر علی جاوید سے)مہنگائی کے خلاف پی ٹی آئی کی احتجاجی ریلی،سینکڑوں پی ٹی آئی کارکنان کے ساتھ عام عوام بھی سڑکوں پر نکل آئے،حکومت کے خلاف شدید نعرے بازی،شہر بھر میں پارٹی ترانوں کی گونج،ریلی کی قیادت سابق ٹکٹ ہولڈر سردار خالد نثار ڈوگر نے کی،تفصیلات کے مطابق پی ٹی آئی کے سابق ٹکٹ ہولڈر و امیدوار صوبائی اسمبلی سردار خالد نثار ڈوگر کی زیر قیادت ہوش ربا مہنگائی کے خلاف انکے دفتر سے سینکڑوں کارکنان کی احتجاجی ریلی نکالی گئی موٹر سائیکلوں،ٹریکٹر ٹرالیوں،ٹرکوں اور کاروں پر مشتمل ریلی جب لاری اڈا پر پہنچی تو مہنگائی سے تنگ سینکڑوں عام شہری بھی سڑکوں پر نکل آئے اور ریلی میں شامل ہو گئے ریلی کے شرکاءکی طرف سے حکومت کے خلاف شدید نعرے بازی کی جاتی رہی جبکہ پی ٹی آئی کے پارٹی ترانوں سے پورا شہر گونج اٹھا ریلی لاہور روڈ سے ہوتی ہوئی چونگی نمبر5 پر جا کر اختتام پذیر ہوئی جہاں ریلی سے خطاب کرتے ہوئے سردار خالد نثار ڈوگر،تیمور سکندر ڈوگر،آئی ایس ایف کے کنونیئر چوہدری عثمان جٹ اور دیگر مقررین سے حکومت کی طرف سے منی بجٹ کے ذریعے عوام پر ٹیکسوں کی صورت میں ڈالے گئے 170 ارب کے بوجھ کو یکسر مسترد کرتے ہوئے کہا کہ امپورٹڈ حکومت اب آئی ایم ایف کے سامنے گھٹنے ٹیک کر عوام کو مہنگائی سے زندہ درگور کرنے پر اتر آئی ہے چوروں اور ڈاکوﺅں کی مسلط کردہ حکومت کو اب عوام کے غیض و غضب سے کوئی نہیں بچا پائے گا یہ چند دنوں کے مہمان ہیں اور الیکشن کے ذریعے عوام کی منتخب حکومت عمران خان کی قیادت میں جلد اس ملک کی قیادت کرے گی ان ظالم لٹیروں نے عام آدمی کے منہ سے آخری نوالہ بھی چھین لیا ہے اب وہ آئی ایم ایف کے ایجنڈے کے تحت 23 کروڑ عوام کا معاشی قتل کرنا چاہتی ہے جسے پاکستانی عوام کبھی نہیں ہونے دیں گے۔