ڈکیتی کی واردات میں مذاحمت پر ڈاکووں کی فائرنگ سے ایک شخص قتل،اپنے ہی ساتھیوں کی فائرنگ سے ڈاکو ہلاک
بورے والا(چوہدری اصغر علی جاوید سے)تھانہ صدر کی حدود میں مسلح ڈکیتی کی واردات،مزاحمت پر ڈاکووں کی فائرنگ سے ایک شخص قتل،اپنی ہی فائرنگ سے زخمی ہونے والے ایک ڈاکو کو دیگر ساتھی فصلوں میں پھینک کر فرار،زخمی ڈاکو بھی ہلاک ہو گیا،،تھانہ صدر پولیس نے مقدمہ درج کر لیا،تفصیلات کے مطابق تھانہ صدر کے نواحی گاوں 146/ ای بی میں سوموار اور منگل کی درمیانی شب سعودیہ پلٹ شخص شاہد محمود گجر اپنے بھائی کے ہمراہ گاوں کی ایک محفل میلاد میں شرکت کے بعد جب گھر پہنچے تو انکے گھر کی چھت سے چار نامعلوم مسلح افراد نیچے اتر رہے تھے شور مچانے پر چھت پر موجود انکے دو ساتھیوں نے فائرنگ کر دی جس کی زد میں آ کر شاہد محمود موقع پر ہی جاں بحق ہو گیا جبکہ انکا ایک ساتھ بھی اسی فائرنگ سے شدید زخمی ہو گیا مسلح ڈاکو اپنے زخمی ساتھی کو اٹھا کر گھسیٹتے ہوئے قریبی فصلوں میں لے گئے جہاں اسے پھینک کر فرار ہو گئے تعاقب کرنے پر فصلوں میں دیکھا تو انکا زخمی ساتھی چل بسا تھا شاہد محمود کچھ روز پہلے سعودیہ سے اپنی بیٹی کی شادی جو کہ 11 فروری کو طے تھی اس کیلئے چھٹی پر آیا ہوا تھا گھر میں بچی کے جہیز کا سامان،زیورات اور نقدی وغیرہ محفوظ رہے واقعہ کی اطلاع تھانہ صدر پولیس کو کر دی گئی پولیس نے مقتول کے بھائی طاہر کی درخواست پر مقدمہ درج کر لیا ڈی پی او وہاڑی محمد عیسی سکھیرا بھی بھاری نفری کے ہمراہ موقع پر پہنچ گئے دریں اثناء ذرائع کے مطابق مارے جانے والے ڈاکو کی شناخت زبیر احمد ولد پہلوان خان سکنہ 28-14/ایل چیچہ وطنی کے نام سے ہوئی ہے بورے والا میں ڈکیتی اور دیگر سنگین جرائم میں اضافہ پر شہریوں میں شدید تشویش پائی جا رہی ہے۔
About Author
