رشتہ داری کا تنازعہ،فائرنگ سے دو حقیقی بھائیوں سمیت بھابھی شدید زخمی

بورے والا(چوہدری اصغر علی جاوید سے)رشتہ داری کا تنازعہ،قریبی رشتہ داروں نے فائرنگ کر کے دو حقیقی بھائیوں اور انکی بھابھی کو شدید زخمی کر دیا،ملزمان نے گزشتہ روز بھی گھر پر پتھراو کیا محلے داروں نے معاملہ رفع دفع کروا دیا تھا،تفصیلات کے مطابق نواحی آبادی یعقوب آباد کے رہائشی مقامی کیبل آپریٹر ملک جاوید اکرم اپنے بھائی ملک راشد اکرم اور دیگر اہل خانہ کے ہمراہ موجود تھے کہ اچانک انکے گھر کے سامنے رہائش پذیر قریبی رشتہ دار محمد ارشد ملاں اسکے والد اور بھائیوں سے معمولی تلخ کلامی پر جھگڑا طول پکڑ گیا جس پر انہوں نے اینٹوں سے ملک جاوید کے گھر پتھراو کیا جس کے بعد اہل محلہ نے معاملہ رفع دفع کروا دیا آج صبح ملک جاوید کے گھر کے باہر پھر شور واویلا ہوا جونہی وہ باہر نکلا تو ملک ارشد اور دیگر نے فائرنگ کر دی جس سے ملک جاوید زخمی ہو گیا تو ملزمان نے انکے گھر داخل ہو کر فائرنگ کر دی نتیجہ میں ملک جاوید کا بھائی ملک راشد اکرم اور انکی بھابھی مسسز ظہیر اکرم شدید زخمی ہو گئے جبکہ ملزمان موقع سے فرار ہو گئے زخمیوں کو ٹی ایچ کیو ہسپتال بورے والا منتقل کر دیا گیا اور تھانہ سٹی پولیس نے کاروائی شروع کر دی وجہ تنازعہ رشتہ داری کا گھریلو تنازعہ بتایا جاتا ہے۔