زرداری سیاست کے بڑے کھلاڑی ہیں موجودہ صورتحال کو کنٹرول کر لیں گے۔مہدی شاہ
بورے والا(چوہدری اصغر علی جاوید سے)گورنر گلگت بلتستان مہدی شاہ کی پی پی پی تحصیل بورے والا کے صدر کامران یوسف گھمن کی رہائش گاہ پر میڈیا سے گفتگو،گورنر گلگت بلتستان مہدی شاہ نے کہا ہے کہ زرداری سیاست کے بڑے کھلاڑی ہیں موجودہ صورتحال کو کنٹرول کر لیں گے،پرویز الٰہی اسمبلی توڑ دیں گے لیکن وہ بری طرح پھنس چکے ہیں،اسمبلیاں توڑنا کسی سیاسی آدمی کیلئے موت ہوتی ہے عمران خان نے بطور وزیر اعظم اپوزیشن سے ہاتھ ملانا بھی گوارا نہیں کیا،سیاسی آدمی مذاکرات سے حل نکالتے عمران خان کو موجودہ صورتحال میں ڈائیلاگ کا رستہ اختیار کرنا چاہیئے،معاشی طور پر ملک کی جو تباہی ہو رہی ہے عمران خان کو اس بات کی سمجھ آنا چاہیئے عمران خان چلا ہوا کارتوس ہے وہ اب باجوہ کے متعلق کچھ کہے یا کسی کے متعلق کوئی فرق نہیں پڑتا الیکشن کرانے کیلئے حکومت کے پاس پیسے نہیں ہیں الیکشن 2023 میں ہی مرکز میں پی ٹی آئی کی حکومت کی وجہ سے ہم گلگت میں الیکشن ہارے جسکی مرکز میں حکومت ہو وہ گلگت بلتستان اور کشمیر کے الیکشن پر اثر انداز ہوتی ہے توشہ خانہ سے تحائف خریدے جا سکتے ہیں لیکن خرید کر آگے بیچے نہیں جا سکتے گلگت بلتستان میں گورنر راج ہم نہیں لگانا چاہتے کیونکہ ہم سیاسی ورکر ہیں لیکن اگر حالات ایسے پیدا ہو گئے تو گورنر راج کے متعلق سوچا جا سکتا ہے اس موقع پر سابق صدرور بار ایسوسی ایشن مہر طاہر امجد ایڈووکیٹ،محمد جاوید شاہین ایڈووکیٹ،سابق نائب صدر چوہدری نصر اقبال چیمہ،سابق سیکرٹری شہباز الرحمان بھٹہ،پی پی کے تحصیل سینئر نائب صدر چوہدری نعمان رشید آرائیں،سٹی صدر حاجی عنایت اللہ وسئیر،بزرگ راہنما غلام حیدر جٹ،سلیم قریشی،اجمل فاروق کھوکھر،ڈاکٹر شمشاد الحق،جمیل طور قلندری،ملک صغیر انجم،چوہدری محمد اشفاق ہنجرا سابق صدر انجمن آڑھتیاں غلہ منڈی وہاڑی،محمد شریف خان گھارو تحصیل نائب صدر پی پی وہاڑی،چوہدری عصمت اللہ سنی،چوہدری محمد عرفان گجر،میاں امین،ملک عباس شیخ اکرم ٹکا،چوہدری بلال گھمن،چوہدری احمد گھمن،چوہدری علی سلیم گھمن اور دیگر بھی موجود تھے۔
About Author
