نئی نویلی دلہن سمیت تین خواتین سے مسلح ڈاکو 28 لاکھ کے طلائی زیورات چھین کر فرار
بورے والا(چوہدری اصغر علی جاوید سے)تھانہ ماڈل ٹاون کی حدود میں دن دیہاڑے ڈکیتی کی بڑی واردات،کار میں سوار نئی نویلی دلہن سمیت تین خواتین سے دو مسلح ڈاکو گن پوائنٹ پر 28 لاکھ سے زائد مالیت کے طلائی زیورات چھین کر فرار،ڈاکووں نے اہل محلہ کو اسلحہ لہراتے ہوئے قریب آنے پر جان سے مار دینے کی دھمکیاں دیں اور فرار ہو گئے،پولیس ایک گھنٹہ بعد موقع واردات پر پہنچی،تفصیلات کے مطابق بورے والا کی نواحی آبادی امجد ٹاون کا رہائشی وقاص الیاس جس کی چند روز قبل شادی ہوئی تھی اور کار میں سوار اپنی نئی نویلی دلہن اور بہن سمیت تین خواتین کے ہمراہ کار پر سوار ہو کر اپنی سالی کے ہاں گلشن رضا ٹاون میں دعوت پر جا رہے تھے کہ سالی کے گھر کے قریب دو نامعلوم مسلح ڈاکووں نے انہیں روک کر کار میں سوار خواتین کے پہنے ہوئے 20 تولہ طلائی زیورات جنکی مالیت 28 لاکھ سے زائد بتائی جاتی ہے چھین کر فرار ہونے لگے تو اہل محلہ کو دیکھ کر انکی طرف اسلحہ لہراتے ہوئے دھمکی دی کہ اگر کوئی قریب آیا تو جان سے مار دینگے دھمکیاں دیتے ہوئے فرار ہو گئے تھانہ ماڈل ٹاون پولیس اطلاع کے باوجود ایک گھنٹہ تاخیر سے پہنچی شہر میں ڈکیتی کی وارداتوں میں غیر معمولی اضافہ پر شہریوں نے شدید تشویش کا اظہار کرتے ہوئے ایڈیشنل آئی جی ساوتھ پنجاب سے نوٹس لینے کا مطالبہ کیا ہے۔
About Author
