تین نومبر کو بورے والا سے ہزاروں کارکنان حقیقی آزادی مارچ کا حصہ بنیں گے۔نذیر جٹ
بورے والا(چوہدری اصغر علی جاوید)پی ٹی آئی کے راہنماء و سابق ایم این اے چوہدری نذیر احمد جٹ،مرکزی جوائنٹ سیکرٹری عائشہ نذیر جٹ اور امیدوار صوبائی اسمبلی اکبر علی بھٹی نے کہا ہے کہ حقیقی آزادی مارچ نے اس ملک اور قوم کے روشن مستقبل کا فیصلہ کرنا ہے ہر محب وطن پاکستانی کو عمران خان کی کال پر اپنی آئندہ آنے والی کیلئے گھروں سے نکلنا ہو گا امپورٹڈ حکومت کی فسطائیت کا ہر مقام پر مقابلہ کرتے ہوئے حقیقی آزادی مارچ کے نتیجہ میں آئندہ الیکشن کے اعلان تک یہ جہاد جاری رہے گا،پارٹی کارکنان کے حوصلے بلند ہیں اور وہ اپنے قائد کی کال پر اس فیصلہ کن مارچ میں شرکت کیلئے پرجوش ہیں اگر آج پوری قوم نے عمران خان کا ساتھ نہ دیا تو آئندہ آنے والی نسلیں ہمیں کبھی معاف نہیں کریں گی اور یہ ملک امریکہ کی کالونی میں تبدیل ہو جائے گا 3 نومبر کو بورے والا سے ہزاروں کارکنان اس حقیقی آزادی مارچ کا حصہ بنیں گے،ان خیالات کا اظہار انہوں نے پبلک سیکرٹریٹ میں منعقدہ کارکنان کے ایک اجلاس سے خطاب کرتے ہوئے کیا اجلاس سے سابق امیدوار صوبائی اسمبلی ملک افتخار اعوان،میاں آفتاب احمد جیوکا اور حاجی مختار احمد جٹ ایڈووکیٹ نے بھی خطاب کیا اجلاس میں 3 نومبر کو آزادی مارچ میں شرکت کو حتمی شکل دی گئی اجلاس میں حاجی غلام مصطفےٰ بھٹی،حاجی رضوان بھٹی،عبدالروف واہلہ،میاں شاہد رفیق،ملک محمد یاسین،میاں ممتاز جملیرا،حاجی اصغر علی بھولا نقشبندی،وزیر علی بھٹی اور دیگر شخصیات کے علاوہ سینکڑوں کارکنان نے شرکت کی۔
About Author
