الیکشن کمیشن کا فیصلہ ملکی مفاد میں ایک سنگ میل ثابت ہو گا۔خالد محمود ڈوگر

بورے والا(نمائندہ خصوصی)الیکشن کمیشن کے فیصلہ سے عمران خان کی نااہلی کے خلاف مسلم لیگ(ن) کے دفتر میں اظہار تشکر،مٹھائی تقسیم کی گئی،تفصیلات کے مطابق الیکشن کمیشن کی جانب سے توشہ خانہ کیس میں عمران خان کی نااہلی کے فیصلے پر مسلم لیگ(ن) کے ایم پی اے سردار خالد محمود ڈوگر کے دفتر واقع سیٹلائٹ ٹاون میں اظہار تشکر کی تقریب منعقد ہوئی جس میں ایم پی اے سردار خالد محمود ڈوگر،ایم این اے چوہدری فقیر احمد آرائیں کے بیٹے چوہدری اسامہ احمد آرائیں،ٹرانسپورٹ یونین کے صدر سردار شاہد جاوید ڈوگر،تحصیل صدر حاجی ساجد شریف آرائیں،ضلعی صدر مسلم لیگ(ن) یوتھ ونگ منظور برکت ماڑی والا،سٹی صدر شاہد نواب خاں،سابق نائب ناظم ڈاکٹر امتیاز احمد،سابق ممبر ضلع کونسل نذیر رندھاوا،سابق کونسلر بلدیہ رانا مظہر مختار،ثناء اللہ رحمانی،نعیم شان آرائیں،جاوید عباس،میاں ناظم آرائیں اور دیگر درجنوں کارکنان نے شرکت کی تقریب سے خطاب کرتے ہوئے ایم پی اے سردار خالد محمود ڈوگر نے کہا کہ الیکشن کمیشن کا فیصلہ ملکی مفاد میں ایک سنگ میل ثابت ہو گا دوسروں کو چور اور کرپٹ کہنے والے جعلی صادق اور امین کی چوری پکڑی گئی ہے اور اسکے چہرے سے نقاب اتر چکا ہے ملکی اداروں کے خلاف زہریلا پراپیگنڈا کرنے والا آج خود مجرم ثابت ہوا ہے نواز شریف کی بلاجواز نااہلی پر بگلیں بجانے والے آج منہ چھپاتے پھر رہیں ہیں اور اب ملکی کو انتشار کی طرف دھکیلنے کی منظم سازش کی جا رہی ہے جس میں انکو کامیابی نہیں ہو گی تقریب میں کارکنان میں مٹھائی تقسیم کی گئی اور مسلم لیگ(ن) کے حق میں نعرے بازی بھی کی گئی۔