پورا پاکستان این اے120سے مسلم لیگ(ن)کی شکست سے پرامید ہیں ۔ چوہدری اعجاز اسلم

بورے والا(چوہدری اصغر علی جاوید سے)پی ٹی آئی کے سنیئر راہنماءچوہدری اعجاز اسلم نے کہا ہے کہ این اے 120 میں فتح حق اور انصاف کی ہو گی،پورے حلقہ کے عوام چوروں اور جھوٹوں کو مسترد کرنے کا فیصلہ کرچکے ہیں،حکمران خاندان کی غلامی سے آزادی اور پاکستان کا محفوظ مستقبل عمران خان کی قیادت میں ہی ممکن ہے،پورا پاکستان این اے120سے مسلم لیگ(ن)کی شکست سے پر امید ہیں اور لاہور کے باشعور عوام اس بات سے باخبر ہیں،عوام کے دِلوں سے حکمران خاندان اور ان کے بدمعاشوں کا خوف ختم ہو چکا ہے اور ضمیروں کے سوداگر غربت اور مجبوری کو خریدنے کی کوششوں میں مصروف ہیں،کارکنان کو شمالی علاقہ جات کی سیریں کروائی گئیں اور نوکریوں کے پروانے بانٹے گئے،حکومتی وسائل کا بے دریغ استعمال اور بلدیاتی اداروں کے سربراہان کو الیکشن میں کسی بھی طرح فتح حاصل کرنے کے حکم نامے جاری ہوئے ہیں جبکہ اس کے مقابل تحریک انصاف نے بہتریں حکمت عملی اپناتے ہوئے گھر گھر جا کر عوام کو نواز شریف کی قومی امانت میں خیانت کرنے پر بے نقاب کیا ہے،تحریک انصاف کی ساری قیادت اور کارکنان کا جوش و جزبہ ساری حکومتی چالوں کو غیر موثر بنا دے گاحلقہ کے عوام کا جوش و خروش اس بات کی غمازی کرتا ہے کہ الیکشن نتائج کے بعد چوروں کا پورا ٹبر پاکستان کی سیاست سے باہر ہو گا اور احتساب عدالت اسے اڈیالہ جیل میں ڈال کر قوم کے لوٹے گئے اربوں روپے برآمدکرے گی،ان خیالات کا اظہار انہوں نے لاہور کے ضمنی الیکشن ڈاکٹر یاسمین راشد کی انتخابی مہم کے دوران میڈیا کے نمائندوں سے ٹیلی فونک گفتگو کرتے ہوئے کیا انہوں نے کہاکہ انشاءاللہ آج پاکستان تحریک انصاف کی امیدوار ڈاکٹر یاسمین راشد اور پوری قوم کی جیت ہو گی۔