چھ سالہ معصوم بچی کے اغوا،زیادتی اور قتل کی ابتدائی رپورٹ میں بھیانک انکشافات

بورے والا(چوہدری اصغر علی جاوید سے)چھ سالہ معصوم بچی کے اغوا،زیادتی اور قتل کی ابتدائی رپورٹ میں بھیانک انکشافات،ابتدائی میڈیکل رپورٹ کے مطابق بچی سے غیر فطری فعل اور زیادتی کی گئی ہے انسانی درندے کی تمام حدیں عبور کر ڈالیں،پھول جیسی معصوم امان فاطمہ کے چہرے کو دانتوں اور ناخنوں سے نوچا گیا ہے،پولیس تاحال کسی ملزم کا سراغ نہیں لگا سکی،پولیس کے مطابق مشکوک افراد کو ڈی این اے کیلئے فرانزک لیب بھجوایا جائے گا اور ملزمان کا بہت جلد سراغ لگا لیا جائے گا،تفصیلات کے مطابق بورے والا کے نواحی گاؤں 265/ ای بی میں غریب محنت کش فیکٹری ملازم کی 6 سالہ معصوم پھول جیسی بچی جو گزشتہ روز شام کے وقت اپنے گھر سے کاپی لینے دوکان پر گئی اور واپس نہ لوٹی جسکی تلاش میں ورثاء رات بھر مارے مارے پھرتے رہے اس دوران پولیس تھانہ صدر نے نامعلوم افراد کے خلاف بچی کے اغوا کا مقدمہ درج کر لیا تاہم آج صبح ساڑھے آٹھ بجے کے قریب بچی کی نعش گاؤں کے باہر تالاب میں تیرتی ہوئی نظر آئی جس کے بعد پولیس انتظامیہ حرکت میں آ گئی اور موقع پر پہنچ کر ریسکیو 1122 کے ذریعے نعش تالاب سے نکال کر پوسٹمارٹم کیلئے ٹی ایچ کیو ہسپتال منتقل کی پوسٹ مارٹم کے بعد نعش ورثاء کے حوالے کر دی بچی کو عصر کے بعد آہوں اور سسکیوں میں سپرد خاک کر دیا گیا ادھر ذرائع کے مطابق ابتدائی میڈیکل رپورٹ میں جو شواہد سامنے آئے ہیں وہ انتہائی بھیانک اور انسانی وحشت اور درندگی کی شرمناک مثال ہیں ابتدائی رپورٹ کے مطابق معصوم امان فاطمہ سے ناصرف زبردستی زیادتی کی گئی بلکہ اسے غیر فطری فعل کا بھی نشانہ بنایا گیا جبکہ اسکے چہرے پر دانتوں اور ناخنوں سے نوچنے کے نشانات پائے گئے ہیں اس درندگی کے بعد اسے گہرے تالاب میں پھینک دیا گیا یہ ایسا کربناک واقعہ ہے جس پر انسانیت کانپ اٹھتی ہے پولیس کی جانب سے تاحال کسی بھی ملزم کا سراغ نہیں لگایا جاسکا نہ ہی کسی مشکوک شخص کو حراست میں لیا گیا ہے ڈی پی او وہاڑی رانا شاہد پرویز اور ڈی ایس پی انوسٹی گیشن میاں عبدالروف نواحی گاؤں 265/ ای بی پہنچ گئے جہاں اس واقعہ کی مختلف زاویوں سے تحقیقات کا عمل جاری ہے پولیس کے مطابق ملزم ایک ہوا یا زیادہ جلد گرفتار کر لئے جائیں گے۔