بورے والا کی سیاست میں بڑی ہلچل،اکبر بھٹی نے پی پی 231 سے الیکشن لڑنے کا اعلان کر دیا
بورے والا(آفتاب نذیر سے)سابق امیدوار صوبائی اسمبلی و سابق تحصیل صدر پی ٹی آئی اکبر علی بھٹی نے کہا ہے کہ میں نے الیکشن لڑنے سے پہلے مناسب سمجھا کہ برادری سے مشورہ کیا جائے میں نے پی ٹی آئی کے پلیٹ فارم سے الیکشن لڑنے کا فیصلہ کیا ہے اگر پارٹی نے مجھے ٹکٹ دیا تو الیکشن لڑونگا اور توقع رکھتا ہوں کہ برادری مجھے کامیاب کروانے میں اپنا بھرپور کردار ادا کرے گی اگر پارٹی نے کسی اور کو ٹکٹ دیا تو اسکی جانی و مالی سپورٹ کرونگا مجھے پیرا شوٹر کہنے والے اپنا ریکارڈ درست کر لیں کیونکہ میں 2012 میں پارٹی کا پہلا الیکٹڈ تحصیل صدر منتخب ہوا تھا اور تب سے پی ٹی آئی کے ساتھ ہوں اور عمران خان کے نظریے کے ساتھ کھڑا ہوں انہوں نے کہا کہ میرے بارے میں دوہری شہریت کا پروپیگنڈہ کیا جا رہا ہے جس میں کوئی صداقت نہیں افواہیں پھیلا کر کارکنان کو گمراہ کرنے کی کوشش قابل افسوس ہے ٹکٹوں کا فیصلہ پارٹی قیادت نے کرنا ہے اور پی ٹی آئی کے ورکرز قیادت کے فیصلے کو تسلیم کریں گے مجھے اگر پارٹی نے ٹکٹ نہ بھی دیا تو جو بھی امیدوار ہوا اسکا الیکشن اپنا الیکشن سمجھ کر لڑونگا،ان خیالات کا اظہار انہوں نے آئندہ الیکشن کے حوالہ سے بھٹی برادری کے مشاورتی اجتماع سے خطاب کرتے ہوئے کیا تقریب سے خطاب کرتے ہوئے غلام مصطفی بھٹی نے کہا کہ ہمارا تعلق پی ٹی آئی سے ہے اور اگر اکبر بھٹی کو پارٹی نے ٹکٹ دیا تو بھٹی برادری انکے ساتھ کھڑی ہوگی بھٹی برادری پہلے بھی پی ٹی آئی کے ساتھ کھڑی ہے اور آئندہ بھی پی ٹی آئی کے ساتھ ہوگی حاجی افتخار احمد بھٹی نے کہا کہ بہت خوشی کی بات ہے کہ ایک طویل عرصہ کے بعد اکبر علی بھٹی نے برادری کو ایک جگہ جمع کیا ہے اگر وہ الیکشن لڑیں گے تو ہم سب انکا بھر پور ساتھ دیں گے تقریب سے خطاب میں رمضان بھولو بھٹی نے کہا کہ سیاست عبادت کا درجہ رکھتی ہے جو شخص سیاست کو عبادت سمجھ کر کرتا ہے وہ کبھی ناکام نہیں ہوسکتا اکبر علی بھٹی سے قبل ہماری برادری کے اس شہر سے دو ایم پی سے منتخب ہو چکے ہیں اور انشاء اللہ اکبر علی بھٹی بھی کامیاب ہونگے تقریب میں بھٹی برادری کے سینکڑوں سرکردہ افراد نے شرکت کی آخر میں شرکاء تقریب کو پرتکلف عشائیہ دیا گیا۔
About Author
