عید کے دن قریب آتے ہی ڈاکوﺅں اور چوروں نے بھی عیدی مہم تیز کر دی،72 گھنٹوں میں 23 وارداتیں

بورے والا(چوہدری اصغر علی جاوید سے)عید کے دن قریب آتے ہی ڈاکوﺅں اور چوروں نے بھی عیدی مہم تیز کر دی،گزشتہ 72 گھنٹوں کے دوران سرکل بورے والا کے مختلف تھانوں کے علاقوں میں میں چوری اور ڈکیتی کی 23 وارداتیں،72 گھنٹوں کے دوران سرکل کے مختلف تھانوں کی حدود میں ڈکیتی اور گھروں میں چوری کی وارداتوں میں شہری لاکھوں روپے نقدی،زیورات اور موبائل فون سے محروم ہو گئے جبکہ تھانہ شیخ فاضل،تھانہ گگومنڈی،تھانہ صدر اور تھانہ ماڈل ٹاﺅن کے علاقوں میں بھی 8سے زائد وارداتوں کے دوران شہری لٹ گئے،تھانہ فتح شاہ کے علاقہ 325 (ای بی) میں فقیر حسین سکنہ 303 (ای بی) سے کار سوار ڈاکو ایک لاکھ سے زائد نقدی اور دو عدد موبائل فون چھین کر فرار ہو گئے،دوسری واردات نلکا فریدی شریف کے قریب محمد نذیر سے چار نامعلوم مسلح افراد نے اسلحہ کے زور پر 5 ہزارروپے اور محمد شیر سے 7 ہزار روپے چھین لئے،فتح شاہ 481 (ای بی) کے قریب محمد ارشد دودھ فروش سے 5500 روپے نقدی اور دو عدد موبائل فون چھین لئے،محمد عمران سکنہ مرضی پورہ سے تھانہ صدر چک 507 (ای بی) کے قریب 30 ہزار روپے نقدی چھین لئے،تھانہ گگومنڈی کے قریب چک نمبر 233 (ای بی) میں ڈاکو محمد سجاد سے 20 ہزار روپے تھانہ ماڈل ٹاﺅن کے علاقہ معصوم شاہ کالونی میں علم زارا زوجہ اصغرعلی گھر میں سوئی ہوئی تھی کہ تین مسلح نامعلوم افراد نے اسلحہ کے زور پر 10 ہزار روپے نقدی،1عدد طلائی لاکٹ اور موبائل فون چھین کر فرار ہو گئے،فداحسین سکنہ 140 (ای بی) سے 521 (ای بی) کے قریب چار مسلح نامعلوم افراد 40 ہزار روپے نقدی چھین کر فرار ہو گئے،تھانہ صدر کے علاقہ 499 (ای بی) میں سجاد حسین سکنہ 515 (ای بی) سے 2 نامعلوم مسلح افراد نے اسلحہ کے زور پر 20 ہزاروپے چھین لئے اور فرار ہو گئے تھانہ صدر کے علاقہ 503 (ای بی) کے قریب تین نامعلوم مسلح افراد موٹرسائیکل سوار محمد نبیل سے 10 ہزار روپے نقدی،ایک طلائی لاکٹ،2عدد طلائی انگوٹھیاں اور 1 عددموبائل فون چھین کر فرار ہو گئے پے درپے ہونے والی وارداتوں پر لوگوں کا کہنا ہے کہ علاقہ میں ڈاکو اور دیگر جرائم پیشہ لوگ بے لگام ہو چکے ہیں اس صورتحال میں انہوں نے آئی جی پنجاب سے فوری نوٹس لینے کا مطالبہ کیا ہے ان وارداتوں میں زیادہ تر عید کی خریداری کیلئے شہر آنے والے افراد ان جرائم پیشہ افراد کا شکار ہوئے ہیں۔