(ن)لیگ کرپٹ خاندان کو بچانے کے لیے پورا نظام لپیٹنے کے درپہ ہے ۔ سید یوسف رضا گیلانی
بورے والا(چوہدری اصغر علی جاوید سے)سابق وزیر اعظم سید یوسف رضا گیلانی نے کہا ہے کہ (ن)لیگ کرپٹ خاندان کو بچانے کے لیے پورا نظام لپیٹنے کے درپہ ہے،نواز شریف اور اُسکے درباری خطرناک کھیل کھیل رہے ہیں جس کا انجام اُنکے لیے بہت بھیانک ہے،میرے خلاف عدلیہ کے فیصلے پر بغلیں بجانے والے اب اُسی عدلیہ کے خلاف زہر اُگل رہے ہیں،پیپلز پارٹی نے ہمیشہ عدالتوں کا احترام کیا ہے اور انکے فیصلوں کو تسلیم کیا ہے،نواز شریف خاندان کی سیاست اب دفن ہونے جا رہی ہے اپنی سیاسی موت سے بچنے کے لیے اب انکی کوشش ہے کہ انہیں کوئی سیاسی شہید بنا دے لیکن اُنکا یہ خواب بھی اب پورا نہیں ہو گا انتخابات مقررہ وقت پر ہونگے اور پیپلز پارٹی آئندہ الیکشن میں کامیابی حاصل کرکے بلاول بھٹو زرداری کو وزیر اعظم بنائے گی غیر پارلیمانی اور بیہودہ زبان استعمال کرکے ملک کے سیاسی کلچر کو آلودہ کرنے میں (ن)لیگ اور پی ٹی آئی نے کوئی کسر اٹھا نہیں رکھی پیپلز پارٹی نے سیاسی میں ہمیشہ شائستگی کو فروغ دیا ہے پارٹی کی خاطر مشکل وقت میں ثابت قدم رہنے والوں کو آئندہ انتخابات میں نظر انداز نہیں کیا جائے گا کارکن الیکشن کی تیاری کریں،ان خیالات کا اظہار انہوں نے پیپلز پارٹی جنوبی پنجاب کے اجلاس میں شرکت کے موقع پر جنوبی پنجاب کی فنانس سیکرٹری امیدوار قومی اسمبلی حلقہ این اے 167 شگفتہ چوہدری سے گفتگو کرتے ہوئے کیا اس موقع پر خواجہ رضوان عالم،سٹی صدر بورے والا طاہر سلیم چوہدری اور دیگر راہنما بھی موجود تھے انہوں نے کہا کہ بلاول بھٹو زرداری بہت جلد جنوبی پنجاب کے اضلاع کے دورے کریں گے اور بڑے عوامی اجتماعات سے بھی خطاب کریں گے کارکن عومای رابطہ مہم تیز کر دیں۔
About Author
