شہر اور ملحقہ قومی شاہواہوں پر ٹریفک کے مسائل نے شہریوں کو ذہنی مریض بنا دیا

بورے والا(چوہدری اصغر علی جاوید سے)شہر اور ملحقہ قومی شاہواہوں پر ٹریفک کے مسائل نے شہریوں کو ذہنی مریض بنا دیا،محکمہ ٹریفک پولیس کا عملہ سارا دن ناکے لگا کر گاڑیوں سے لوٹ مار میں مصروف،شہر میں بدترین ٹریفک جام معمول بن گیا،صبح کے وقت اور تعلیمی اداروں کو چھٹی کے اوقات میں ٹریفک کا نظام مفلوج ہو کر رھ گیا،تفصیلات کے مطابق بورے والا شہر میں کالج روڈ،وہاڑی بازار،عارف بازار،لاری اڈا اور اس سے ملحقہ قومی شاہراہوں پر ٹریفک کا نظام مفلوج ہو کر رھ گیا شہر میں تعلیمی اداروں کو چھٹی اور صبح کے اوقات میں بدترین ٹریفک جام ہونے سے شہری ذہنی مریض بن گئے ٹریفک کا عملہ سرکاری گاڑی لیکر مختلف شاہراہوں پر سارا دن ناکے لگا کر کاغذات کی چیکنگ کے نام پر گاڑیوں سے لوٹ مار کرتا نظر آتا ہے لاری اڈا چوک پر ٹریفک جام ہونے سے مقامی اور دیگر شہریوں کو جانے والی ٹریفک کی طویل قطاریں لگ جاتی ہیں لیکن ٹریفک پولیس کے عملہ نے اپنا ٹارگٹ پورا کرنے کے لیے بے حسی اختیار کر رکھی ہے دیہات سے سبزیاں اور زرعی اجناس لے کر آنے والی ٹریکٹر ٹرالیوں،مزدا گاڑیوں اور چھوٹی لوڈر گاڑیوں کا ٹریفک پولیس کے ناکوں سے گزرنا محال ہو چکا ہے مقامی شہریوں نے ایس پی ٹریفک ملتان اور ڈی پی او وہاڑی سے اصلاح احوال کا مطالبہ کیا ہے۔