ٹی ایچ کیو بورے والا میں ڈیڈ ہاﺅس کی تعمیر کے علاوہ ایک میت گاڑی کی سہولت بھی فراہم کی جائے گی ۔ علی اکبر بھٹی
بورے والا(چوہدری اصغر علی جاوید سے)ڈپٹی کمشنر وہاڑی علی اکبر بھٹی نے کہا ہے کہ بورے والا تحصیل ہیڈ کوارٹر ہسپتال میں نعشوں کی حفاظت کے لئے جدید ”ڈیڈ ہاﺅس“ کی تعمیر کا منصوبہ چند روز میں شروع کیا جا رہا ہے جس میں مخیر حضرات کے تعاون سے مخلوق خدا کی خدمت کے جذبہ کے تحت جنوبی پنجاب کے شہروں کو فائدہ پہنچے گا،ان خیالات کا اظہار انہوں نے گذشتہ روز سول ریسٹ ہاﺅس میں ڈیڈ ہاﺅس کی تعمیر کا سلسلہ میں منعقدہ افسران اور سول سوسائٹی کے نمائندہ اجلاس سے خطاب کرتے ہوئے کیا اجلاس سے اسسٹنٹ کمشنر بورے والا راﺅ محمد تسلیم اختر،ای ڈی او ہیلتھ وہاڑی ڈاکٹر شعیب الرحمان گورمانی،پیپلز پارٹی کے راہنما سابق امیدوار قومی اسمبلی کرنل (ر)راﺅ عابد علی خان،صدر انجمن تاجران محمد جمیل بھٹی،جنرل سیکرٹری صغیر احمد رامے،مسلم لیگی راہنما رانا طاہر کریم خان،سابق نائب ناظم حاجی پرویز احمد بھٹی سمیت دیگر نمائندہ افراد نے بھی اپنی رائے کا اظہار کرتے ہوئے ڈیڈ ہاﺅس کی تعمیر کے منصوبے کو وقت کی اہم ضرورت قرار دیا ڈپٹی کمشنر علی اکبر بھٹی اور اسسٹنٹ کمشنر راﺅ تسلیم اختر نے اجلاس سے خطاب کرتے ہوئے کہا کہ ہم بورے والا میں اس پروجیکٹ کو خدمت خلق کے جذبہ کے تحت لاوارث اور دیر تک رکھی جانے والی شہریوں کی نعشوں کو بے حرمتی سے بچائیں گے بورے والا میں اس ڈیڈ ہاﺅس میں آٹھ نعشوں کو رکھے جانے کی گنجائش ہوگی اور اس سے ملحقہ ایک میت لے جانے والی ایمبولینس بھی خریدی جائے گی انہوں نے کہا کہ ملتان ریجن میں صرف ملتان میں ڈیڈ ہاﺅس ہے جبکہ دیگر نواحی شہروں میں یہ سہولت موجود نہیں ہے اجلاس میں موجود کرنل راﺅ عابد علی خان،رانا طاہر کریم خان،شیخ شہزاد مبین ،حاجی پرویز بھٹی ،حاجی ظہور ماجد اکرام نے اپنی گرہ سے 30لاکھ روپے عطیہ دینے کا اعلا ن کیا جبکہ ڈپٹی کمشنر نے اعلان کیا کہ بیس لاکھ سے زائد رقم ہیلتھ کونسل کی طرف سے فراہم کی جائے گی اجلاس میں ڈپٹی ڈسٹرکٹ ہیلتھ آفیسر بورے والا ڈاکٹر محمد اکرم رانا،ڈپٹی ایم ایس ڈاکٹر عمران بھٹی،چیف آفیسر بلدیہ راﺅ محمد علی، مسلم لیگی راہنما چاچا محمد اسلم،صغیر احمد رامے،اے ڈی پلاننگ وہاڑی مظفر خان،آئی ٹی انچارج شیخ خرم سلیم،ڈپٹی ڈائریکٹر انفارمیشن سید ماجد علی شاہ،قیصر نذیر چوہدری،حاجی قدرت اللہ،شاہد محمود ہائی ویز،پریس کلب کے چیئرمین شاہد اکبر طور،صدر اصغر علی جاوید کامریڈ،نائب صدر میاں طارق محمود،جنرل سیکرٹری “ایمرا” چوہدری اصغر علی جاوید سمیت دیگر نمائندہ شہریوں نے شرکت کی۔
About Author
