حکومت کشمیر کی آزادی کیلئے سنجیدہ اور عملی کوشش کرے گی تو ہم بھرپور ساتھ دیں گے۔اراکین اسمبلی
بورے والا(نمائندہ خصوصی)مسلم لیگ(ن) کی طرف سے بھی یوم یکجہتی کشمیر پورے جوش و جذبہ سے منایا گیا اس سلسلہ میں مسلم(ن) کے سیکرٹریٹ واقع سیٹلائٹ ٹاﺅن سے ایم این اے چوہدری فقیر احمد آرائیں،ایم پی اے سردار خالد محمود ڈوگر اور سابق ایم این اے چوہدری نذیر احمد آرائیں کی قیادت میں کشمیری بھائیوں سے یکجہتی کیلئے ایک ریلی نکالی گئی ریلی میں مرکزی انجمن تاجران کے ضلعی صدر حاجی محمد جمیل بھٹی،جنرل سیکرٹری بورے والا شیخ عابد فاروق،صدر کریانہ ایسوسی ایشن راﺅ نور محمد،مسلم لیگ (ن) کے راہنماء چوہدری ساجد شریف آرائیں،ٹرانسپورٹ یونین کے صدر سردار شاہد ڈوگر،ضلعی صدر (ن)لیگ یوتھ ونگ منظور برکت ماڑی والا،سٹی صدر شاہد نواب خان،جنرل سیکرٹری حلقہ پی پی 230 سردار شاہد کریم ڈوگر،اقلیتی ونگ کے ضلعی صدر نذیر رندھاوا مسیح،خان خالد خاں،محمد اورنگزیب،عاطف چوہدری اور سٹی صدر یوتھ ونگ ڈاکٹر رضوان سلیمی کے علاوہ دیگر کارکنان بھی شریک تھے ریلی سے خطاب کرتے ہوئے ایم این اے چوہدری فقیر احمد آرائیں،ایم پی اے سردار خالد محمود ڈوگر اور سابق ایم این اے چوہدری نذیر آرائیں نے کہا کہ معزرت خواہانہ رویوں سے کشمیر کبھی آزاد نہیں ہو سکتا ہمیں کشمیر حاصل کرنے کیلئے جارحانہ انداز اپنانا ہو گا وزیر اعظم کہتے تھے کہ کشمیر کا مقدمہ اب میں لڑوں گاکشمیرکے مسئلے کے حل کیلئے وکلاء کی ٹیم بنا رہا ہوں ”کہاں ہے وہ ٹیم“ اگرحکومت نے کشمیر کی آزادی کیلئے سنجیدہ اور عملی کوشش کی تو ہم بھی حکومت کا بھرپور ساتھ دیں گے ریلی پریس کلب کے سامنے آ کر اختتام پذیر ہوئی۔
About Author
