ڈپٹی ڈی ای او کو بااثر شخص کی طرف سے دی گئی دھمکیوں کے خلاف اے ای اوز ایسوسی ایشن کا احتجاج

بورے والا(چوہدری اصغر علی جاوید سے)ڈپٹی ڈی ای او(زنانہ) عابدہ اسلام کو بااثر عناصر شاہنواز شامدیکا کی طرف سے دی گئی توہین آمیز اور جان سے مار دینے کی دھمکیوں کے خلاف اے ای اوز ایسوسی ایشن وہاڑی کا احتجاج،تفصیلات کے مطابق گزشتہ روز شاہنواز شامدیکا کی طرف سے ڈپٹی ڈی ای او آفس(زنانہ) میڈم عابدہ اسلام سے ان کے آفس میں آ کر اپنی منشا کے مطابق محکمانہ پالیسی کے خلاف کام کروانے کیلئے دباو ڈالنے اور ڈپٹی ڈی ای او کے انکار پر میڈم عابدہ اسلام کو خطرناک نتائج کی دھمکیاں اور آفس میں موجود عملہ کو وہاں پر موجود خواتین کی موجودگی میں غلیظ گالیاں نکالنے اور جان سے مارنے کی دھمکیوں کے خلاف ضلعی صدر اے ای اوز ایسوسی ایشن وہاڑی اے او وحید اسلم خان،تحصیل صدر اے اوز ایسوسی ایشن تحصیل بورے والا،اے اوز (مردانہ) ونگ محمد شکیل احمد،مظہر جاوید،نور احمد،مظہر جاوید،نیاز حسن،طارق محمود،اسد علی،آصف علی،محمد عبداللہ اور سربراہ خواتین ونگ تحصیل بورے والا اے اوز( زنانہ) اقراء اکرم،عتیقہ ایوب،شکیلہ اصغر،زہداہ اور ثمر فردوس نے پریس کلب میں احتجاج کرتے ہوئے کہا کہ شاہنواز شامدیکا کی جانب سے کار سرکار میں مداخلت کر کے اور سنگین نتائج کی دھمکیاں دیکر سخت زیادتی کی ہے پولیس نے مقدمہ نمبر702/19 زیر دفعہ 506-B،186 ت پ درج کر کے تفتیش شروع کر دی اس سلسلہ میں شاہنواز شامدیکا نے اپنا موقف بیان کرتے ہوئے بتایا کہ وہ ڈپٹی ڈی ای او کے دفتر میںگیا ہے اور نہ ہی کسی کو دھمکیاں دی ہیں میں اس وقت اپنے کیس کے سلسلہ میں علاقہ مجسٹریٹ کی عدالت میں پیشی پر تھا اور میرے خلاف درج کروائی گئی ایف آئی آر جھوٹی اور بے بنیاد ہے یاد رہے کہ بااثر شخص شاہنواز شامدیکا کے خلاف سابقہ ڈپٹی ایجوکیشن(زنانہ) ام رباب نے 2015 میں فون پر جان سے مار دینے کی دھمکیاں دینے اور کار سرکار میں مداخلت پر تھانہ ماڈل ٹاﺅن میں ایف آئی آر درج کروا رکھی ہے ملزم کے خلاف ڈی ای او آفس کی جانب سے تھانہ دانیوال میں بھی 2015 میں مقدمہ درج ہے۔