ڈینگی کا لاروا برآمد ہوا تو اس جگہ کے مالک کے خلاف مقدمہ درج کیا جائے گا۔عرفان کاٹھیا
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ ڈینگی سے بچاﺅ کیلئے حفاظتی انتظامات کرنے انتہائی ضروری ہیں ہم سب کو ملکر ڈینگی سے بچاﺅ کو ممکن بنانا ہو گا،ڈینگی مچھر کی پرورش کو روکنے کیلئے اقدامات کرنے ہوں گے اور ہمیں اپنے گھروں میں کہیں بھی پانی کھڑا نہیں رکھنا چاہیے،انسداد ڈینگی ٹیمیں بھرپور طریقے سے سرویلنس کر رہی ہیں جس جگہ سے ڈینگی کا لاروا برآمد ہوا اس جگہ کے مالک کے خلاف مقدمہ درج کیا جائے گا،ان خیالات کا اظہار انہوں نے تحصیل ہیڈ کوارٹر ہسپتال بورے والا میں اینٹی ڈینگی واک کے بعد ڈینگی کے حوالہ سے منعقدہ سیمینار سے خطاب کرتے ہوئے کیا اس موقع پر اسسٹنٹ کمشنر رانا اورنگزیب،ایم ایس ٹی ایچ کیو ہسپتال ڈاکٹر عمران بھٹی،ڈی ڈی ایچ او ڈاکٹر شاہد اقبال،پی ٹی آئی کے سنیئر راہنما ملک فاروق احمد اعوان،پی ٹی آئی کے سابق امیدواروں سردار خالد نثار ڈوگر،ہمایوں افتخار چشتی،ضلعی صدر انجمن تاجران محمد جمیل بھٹی،پرنسپل گورنمنٹ کالج پروفیسر خوشی محمد شہزاد،سول سوسائٹی کے ارکان سید زاہد حسین مشہدی،عبدالرﺅف چوہدری،صائمہ بتول،اسٹیشن ماسٹر زاہد خاں،طاہر نذیر،انچارج ٹی ایم اے ماجد یوسف اور دیگر نمائندہ شہری بھی موجود تھے ڈپٹی کمشنر وہاڑی عرفان علی کاٹھیا نے کہا کہ ابھی تک ضلع وہاڑی ڈینگی لاروے سے محفوظ ہے ڈینگی سے بچاﺅ کا واحد حل اس کی پرورش کو روکنا ہے نکارہ ٹائروں اور کاڑ کباڑ کا خاتمہ کرنا ہو گا تحصیل بورے والا میں (226) انسداد ڈینگی ٹیمیں کام کر رہی ہیں انسداد ڈینگی ٹیمیں گھر گھر جا کر سرولنس کر رہی ہیں سیمینار کے اختتام پر ڈینگی سے آگاہی کیلئے ٹی ایچ کیو ہسپتال سے ملتان روڈ تک ڈپٹی کمشنر عرفان علی کاٹھیا کی قیادت میں آگاہی واک بھی کی گئی۔
About Author
