انسداد ڈینگی مہم،ڈپٹی کمشنر وہاڑی کا اچانک دورہ،پیٹرول پمپ کا منیجر گرفتار
بورے والا(چوہدری اصغر علی جاوید سے)انسداد ڈینگی مہم،ڈپٹی کمشنر وہاڑی اور محکمہ صحت کی ٹیم کا اچانک دورہ،پیٹرول پمپ سروس اسٹیشن کے قریب ڈینگی لاروا کی افزائش،پیٹرول پمپ کا منیجر گرفتار،پیٹرول پمپ سیل اور مقدمہ درج،ڈپٹی کمشنر کا مرکزی قبرستان اور نرسریوں کا بھی دورہ،انسداد ڈینگی مہم کے حوالہ سے کوئی غفلت برداشت نہیں ہو گی،ڈپٹی کمشنر عرفان علی کاٹھیا،ضلع وہاڑی میں بھی ڈینگی کے 14 مریض سامنے آ گئے،محکمہ صحت،تفصیلات کے مطابق صوبے بھر میں جاری انسداد ڈینگی مہم کے سلسلہ میں ڈپٹی کمشنر عرفان علی کاٹھیا،اسسٹنٹ کمشنر رانا اورنگزیب،سی ای او ہیلتھ ملک محمد ارشد،ڈپٹی دی ایچ او ڈاکٹر شاہد اقبال نے محکمہ صحت اور محکمہ ماحولیات کے عملہ کے ہمراہ آج ملتان روڈ چونگی نمبر 5 پر واقع ٹوٹل پمپ کا اچانک دورہ کیا تو وہاں سروس اسٹیشن کے گرد ڈینگی لاروا کی افزائش سامنے آنے پر پیٹرول پمپ کے منیجر کو گرفتار کرنے کے بعد پیٹرول پمپ سیل کر کے انکے خلاف مقدمہ درج کرنے کی بھی ہدایت کی بعدازاں ڈپٹی کمشنر عرفان علی کاٹھیا نے اپنی ٹیم کے ہمراہ ملتان روڈ پر واقع نرسریوں اور مرکزی قبرستان کا بھی دورہ کیا مرکزی قبرستان میں قبروں پر رکھے کھلے برتنوں میں صاف پانی کو فوری طور پر ختم کرنے کی ہدایت جاری کیں ڈی سی وہاڑی کی قیادت میں ٹی ایچ کیو ہسپتال کے سامنے سٹیڈیم روڈ پر انسداد ڈینگی کے حوالہ سے شہریوں میں پمفلٹ بھی تقسیم کیے گئے ڈپٹی کمشنر عرفان علی کاٹھیا کا کہنا تھا کہ ڈینگی اس وقت حکومت کے سامنے ایک بڑا چیلنج ہے اس جان لیوا مچھر کی افزائش کو روکنے اور اس کے مکمل خاتمہ کے لیے سرکاری اداروں کے ساتھ سول سوسائٹی اور عام شہریوں کو بھی اپنا کردار ادا کرنا ہوگا کسی بھی کاروباری مرکز،سرکاری ادارے یا پبلک مقامات پر ڈینگی کی افزائش اگر سامنے آئی تو اسکے ذمہ داروں کے خلاف سخت کارروائی کی جائے گی ضلع وہاڑی میں مختلف شہروں سے سفر کر کے آنے والے 14 افراد میں ڈینگی کی تشخیص ہو چکی ہے جن کے علاج کے لیے سرکاری ہسپتالوں میں الگ وارڈ قائم کر کے طبی امداد جاری ہے ڈینگی کے خلاف یہ مہم جنگی بنیادوں پر جاری ہے اور اسکے خاتمہ کو یقینی بنانے تک یہ مہم جاری رہے گی۔
About Author
