زمین کے تنازعہ پر ڈنڈوں سوٹوں سے مسلح افراد نے حملہ کر کے چچا بھتیجے کو لہولہان کر دیا
بورے والا(چوہدری اصغر علی جاوید سے)زمین کے تنازعہ پر ڈنڈوں سوٹوں سے مسلح افراد نے حملہ کر کے چچا بھتیجے کو لہولہان کر دیا،بھتیجے کے جسم پر تیزاب پھینک کر بری طرح زخمی کر دیا اور کلہاڑیوں سے جسم بھی چھلنی کر دیا،دونوں چچا،بھتیجا کا میڈیکل ہونے کے باوجود 5 روز گزرنے کے بعد بھی پولیس بااثر ملزمان کے خلاف مقدمہ درج کرنے سے گریزاں،آئی جی پنجاب اور ڈی پی او وہاڑی سے انصاف کے حصول کا مطالبہ،تفصیلات کے مطابق نواحی گاﺅں 333(ای بی) کے رہائشی محمد مشاہد نے میڈیا کے نمائندوں کو بتایا کہ 5 روز قبل وہ اپنے چچا محمد رمضان ولد محمد صدیق کے ہمراہ اپنے رقبہ پر گئے تو ہمارے مخالفین جن سے رقبہ کا تنازع چل رہا تھا وہ پہلے سے ڈنڈوں،سوٹوں اور کلہاڑیوں سے مسلح ہو کر وہاں کھڑے تھے جبکہ ان میں سے ایک ملزم محمد مشتاق کے پاس تیزاب کی بوتل بھی تھی ہمارے قریب آتے ہی انہوں نے ہم پر حملہ کر دیا 10 سے زائد ملزمان نے مجھ پر کلہاڑیوں اور ڈنڈوں سے وار کر کے میرا جسم چھلنی کر دیا اور مشتاق نے میرے جسم پر تیزاب پھینک دیا اور جبکہ دیگر ملزمان کی اپنی ہی کسی کے وار سے انکا ایک ساتھی اصغر بھی سر میں چوٹ لگنے سے زخمی ہو گیا دونوں اصغر بھی سر میں چوٹ لگنے سے زخمی ہو گیا دونوں فریقین متعلقہ آر ایچ سی ہسپتال میڈیکل کے لیے گئے ہمارے مخالف فریق کے میڈیکل پر ہماری خلاف ہی مقدمہ درج کر دیا گیا لیکن 5 روز گزرنے کے باوجود حملہ آور ملزمان جو کہ بااثر ہیں انکے خلاف تاحال مقدمہ درج نہیں کیا محمد مشاہد نے وزیر اعلیٰ پنجاب،آئی جی پنجاب اور ڈی پی او وہاڑی سے ملزمان کے خلاف مقدمہ درج کرنے کا مطالبہ کیا ہے۔
About Author
