بھتہ نہ دینے پر اے ایس آئی نے شریف شہریوں کی زندگی اجیرن بنا دی
بورے والا(چوہدری اصغر علی جاوید سے)بھتہ نہ دینے پر اے ایس آئی نے شریف شہریوں کی زندگی اجیرن بنا دی،جھوٹے اور بے بنیاد مقدمات کی آڑ میں آئے روز دکان پر طاقت کے نشہ میں توڑ پھوڑ سنگین مقدمات میں پھنسانے کی دھمکیاں،دکاندار کی بوڑھی والدہ کی بھی تذلیل،چوری کا لوہا خریدنے کا الزام،تھانیدار کے خوف سے دکان بند کرنے پر مجبور،تفصیلات کے مطابق نواحی گاﺅں 515 (ای بی) کے رہائشی غلام حسین اور اس کے بھائی غلام حسن نے میڈیا کو بتایا کہ انہوں نے گاﺅں کے نزدیک کباڑ کی دکان بنا رکھی ہے اور تھانہ فتح شاہ میں تعینات اے ایس آئی ظفر بھٹی نے ریڑی کے لوہے کا سامان چوری کرنے والے ایک ملزم کو گرفتار کر کے اس میں لوہے کی برآمدگی کے لیے ہماری دکان پر آ گیا اور کہا کہ اگر تم نے اپنی بدنامی سے بچنا ہے تو میری جیب گرم کرو ہمارے انکار پر طیش میں آ کر توڑ پھوڑ شروع کر دی اسی دوران دکان پر آنے والی ہماری بوڑھی والدہ کی تذلیل شروع کر دی ظفر بھٹی نے دھمکیاں دیں کہ اگر تم لوگوں نے مجھے راضی نہ کیا تو مقدمات میں ملوث کر کے تم دونوں کو پولیس مقابلے میں پار کر دوں گا غلام حسین اور غلام حسن نے بتایا کہ ہم نے کسی قسم کا چوری کا لوہا نہیں خریدا جو ملزم پولیس نے پکڑا ہے اس کے ساتھ مبینہ ملی بھگت سے ہمیں بلیک میل کرنے کے لئے آئے روز بھاری نفری کے ہمراہ ہماری دکان پر آ کر اختیارات کا ناجائز استعمال کرتے ہوئے اس نے ہماری زندگی اجیرن بنا دی اور اس کی اس پولیس گردی کی وجہ سے ہم دکان بند کرنے پر مجبور ہو گئے ہیں انہوں نے ڈی پی او وہاڑی سے مطالبہ کیا ہے کہ ہمیں اے ایس آئی ظفر بھٹی کی پولیس گردی سے بچایا جائے اس حوالہ سے جب اے ایس آئی ظفر بھٹی سے رابطہ کیا تو اس نے بتایا کہ ہمارے تھانہ فتح شاہ میں ریڑی چوری کے مقدمہ میں ایک ملزم گرفتار کیا ہے اس نے بتایا کہ اس نے ریڑی کا لوہا اتار کر غلام حسین کی دکان پر فروخت کیا اس بنا ان سے پوچھ گچھ کے لیے ان کی دکان پر گئے تھے ان سے پیسے نہیں مانگے۔
About Author
