محرم الحرام کے جلوسوں کی نگرانی کیلئے سیکورٹی کے فول پروف انتظامات کیے گئے۔عرفان علی،ثاقب سلطان
بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ محرم الحرام کے دوران امن و امان قائم رکھنے کے لیے تمام مکاتب فکر کو اپنا کردار ادا کرنا ہو گا،ذوالجناح،تعزیہ کے روائتی و غیر روائتی جلوسوں کی نگرانی کے لیے سیکورٹی کے فول پروف انتظامات کیے جائیں،جلوس کے راستوں میں سی سی ٹی وی کیمرے نصب کیے جائیں گے،مرکزی اور دیگر جلوسوں کے راستوں پر سڑکوں کی مرمت اور صفائی کا کام شروع کروا دیا گیا ہے امن کمیٹی کے ارکان محرم الحرام میں جلوسوں کے ساتھ اپنے فرائض انجام دیں گے اور کسی بھی قسم کے ناخوشگوار واقعہ کی روک تھام کے لیے انتظامیہ سے ملکر تمام ممکنہ اقدامات اٹھائیں گے اس موقع پر کسی بھی شر پسندی یا اشتعال انگیزی کی ہرگز اجازت نہیں دی جائے گی،گاڑیوں اور رکشاﺅں پر اونچی آواز میں میوزک کی بھی اجازت نہیں ہو گی امن و امان کو برقرار رکھنا ہم سب کی ذمہ داری ہے،ہمارا دشمن ہر وقت اپنے مذموم ارادوں کی تکمیل کے لیے ناپاک منصوبے کی تلاش میں رہتا ہے لیکن ہم نے اتحاد اتفاق اور بین المذاہب ہم آہنگی کو فروغ دیکر دشمن کے ناپاک ارادوں کو ناکام بنانا ہے،ان خیالات کااظہار انہوں نے میونسپل کمیٹی میں محرم الحرام کے حوالہ سے منعقدہ امن کمیٹی کے اجلاس سے خطاب کرتے ہو ئے کیا اس موقع پر ڈی پی او وہاڑی ثاقب سلطان المحمود نے کہا کہ سیکورٹی ادارے محرام الحرام میں اپنی ذمہ داریاں پوری کریں گے حساس مقامات پر خصوصی طور پر سیکورٹی تعینات کی جائے گی اور 10محرم کے مرکزی جلوس اسپیشل برانچ،ایلیٹ فورس،قومی رضا کار اور والنٹیٹرز تمام چھوٹے بڑے جلوسوں اور مجالس پر تعینات ہونگے عوام کو چاہیے کہ وہ کسی بھی مشکوک شخص کی اطلاع فوری طور پر 15 کو دیں پولیس محرم الحرام کے دوران اپنے تمام تر ممکنہ وسائل کو برﺅے کار لاتے ہوئے امن و امان برقرار رکھنے کی ہر ممکن کوشش کرے گی اجلاس میں اسسٹنٹ کمشنر رانا اورنگزیب،اے ایس پی آصف رضا،تحصیلدار محمد ظفر مغل،سول سوسائٹی نیٹ ورک کے پیٹرن انچیف شیخ شہزاد مبین،صدر بار ملک فرقان یوسف کھوکھر،پی ٹی آئی کے سینئر راہنما ملک فاروق اعوان،طارق محمود باجوہ،صدر بار ملک فرقان یوسف،انجمن حیدریہ کے صدر سید اسد حسین بخاری،محمد نسیم نقوی،ضلعی صدر انجمن تاجران محمد جمیل بھٹی،چاچا محمد اسلم،شہباز حسین بھٹی،مولانا زبیر گورداسپوری اور دیگر مختلف مکاتب فکر کے نمائندہ افراد نے بھی شرکت کی۔
About Author
