آل پنجاب جشن آزادی یکجہتی کشمیر دنگل کے فائنل میچ میں ایک لاکھ رقم تقسیم کی گئی۔جاجی پہلوان

بورے والا(چوہدری اصغر علی جاوید سے)آل پنجاب جشن آزادی یکجہتی کشمیر دنگل ریلوے گراﺅنڈ میں منعقد ہوا،دنگل میں پنجاب کے مختلف شہروں گوجرانوالہ،بہاولپور،مظفرگڑھ،ڈیرہ غازی خان،خانیوال،تاندلیانوالا اور لاہور سے معروف پہلوانوں نے شرکت کی اس ماہانہ دنگل کے مہمانان خصوصی چوہدری عدنان اشرف گجر،سابق صدر بار میاں افتخار صابر ایڈووکیٹ،چیئرمین پریس کلب اصغر علی جاوید اور نائب صدر چوہدری اکرام الحق تھے اس دنگل کے معاونین میں چوہدری محمد ارشد آف(کویت)،منور احمد آف(جدہ)،عبدالباسط پاور گروپ،لالہ شمشیر بھٹی،میاں ثناء اللہ رحمانی،میاں محمد سلیم،چاند،ملک محمد شریف،شیخ محمد اسلم اور دیگر بھی شامل ہیں رضا پہلوان ساہیوال اور کاشف پہلوان مظفر گڑھ کو بہترین کارکردگی کا مظاہرہ کرنے پر مہمان خصوصی چوہدری عدنان اشرف گوجر نے موبائل فون انعام میں دئیے اس موقع پر دنگل آرگنائزر استاد اعجاز احمد المعروف جاجی پہلوان نے بتایا کہ دنگل میں حصہ لینے والے پہلوانوں کو ایک لاکھ روپے کی رقم تقسیم کی گئی انہوں نے کہا کہ اس دیسی کشتیوں کے مقابلوں کو منعقد کروانے ان کی معاونت کرنے والوں کے وہ حد مشکور ہیں کہ ان کے تعاون سے یہ مقابلے منعقد ہوتے ہیں اور وہ اس دیسی کشتیوں کے فن کو زندہ رکھے ہوئے ہیں۔