کشمیریوں پر ظلم و بربریت سے بھارت کا سفاک چہرہ پوری دنیا کے سامنے بے نقاب ہو گیا۔شیخ شہزاد،خالد ڈوگر

بورے والا(چوہدری اصغر علی جاوید سے)بھارت کی جانب سے ایل او سی پر کلسٹر بموں کے حملہ،نہتے کشمیریوں کے قتل عام اور بھارتی فوج کے جنگی جنون کے خلاف سول سوسائٹی نیٹ ورک،وکلاء،سدھار ڈویلپمنٹ آرگنائزیشن،سوشل ویلفیئر اینڈ کمیونٹی ڈویلپمنٹ سوسائٹی،انجمن تاجران،تحریک لبیک یارسول اللہ اور تعلیمی اداروں کی ریلیاں،مرکزی ریلی میں تمام ذیلی ریلیوں کی بھی شرکت،تفصیلات کے مطابق بھارت کی جانب سے نہتے کشمیریوں پر کلیسٹر بموں کے حملہ میں بے گناہ معصوم شہریوں کے قتل عام اور بھارتی جارحیت کے خلاف کشمیری مسلمانوں سے اظہار یکجہتی کیلئے سول سوسائٹی نیٹ ورک کے زیر اہتمام کالج روڈ پر پریس کلب سے گول چوک تک ایک بڑی احتجاجی ریلی نکالی گئی جسکی قیادت سول سوسائٹی نیٹ ورک کے پیٹرن انچیف شیخ شہزاد مبین،(ن) لیگ کے رکن پنجاب اسمبلی سردار خالد محمود ڈوگر،ضلعی صدر انجمن تاجران محمد جمیل بھٹی،ضلعی صدر مسلم لیگ(ن)یوتھ ونگ منظور برکت ماڑی والا،صدر انجمن تاجران بورے والا چوہدری شوکت علی،پی ٹی آئی کے سنیئر راہنماﺅں ملک فاروق احمد اعوان،چوہدری اعجاز اسلم،سردار راشد عظیم،غلام مصطفےٰ بھٹی،صدر بار ملک فرقان یوسف،جنرل سیکرٹری چوہدری خرم ریاض،سدھار ڈویلپمنٹ آرگنائزیشن کی چیئرپرسن صائمہ بتول،جماعت اسلامی کے امیر عبدالوحید خالد،عبدالرﺅف چوہدری،شہزاد مصطفےٰ چوہان،سید اظہار الحق شاہ،سید زاہد حسین مشہدی،پروفیسر کرامت شکیل،سید سجاد حسین بخاری،قائد ٹو بی آر حافظ محمد طارق اور دیگر نمائندہ شہریوں نے کی جس میں پنجاب کالج،سپیرئیر کالج کے طلباء،تاجروں،وکلاء برادی اور نمائندہ شہریوں کی کثیر تعداد نے شرکت کی ریلی کے شرکاء نے بھارتی مظالم اور لائن آف کنٹرول کی خلاف ورزیوں پر شدید نعرے بازی کی گئی شرکاء ریلی نے اقوام متحدہ اور او آئی سی کی مبینہ خاموشی پر شدید غم و غصہ کا اظہار کرتے ہوئے کشمیر کے حق خودارادیت اور اسکی فوری آزادی کا مطالبہ کیا ریلی گول چوک سے ہوتی ہوئی واپس پریس کلب کے سامنے آ کر اختتام پذیر ہوئی دریں اثناء گورنمنٹ کالج بورے والا میں پرنسپل پروفیسر خوشی محمد شہزاد کی قیادت میں اساتذہ نے ریلی نکالی،بار ایسوسی ایشن کے صدر ملک فرقان یوسف کی قیادت میں وکلاء نے بھی ریلی نکالی اور مریم گرلز کالج کی طالبات نے بھی نہتے کشمیریوں پر ظلم و بربریت کی خلاف ایک ریلی نکالی۔