قصابوں کی من مانیاں بدستور جاری،سرکاری نرخ نامہ کی دھجیاں اڑا دی،انتظامیہ غائب
بورے والا(چوہدری اصغر علی جاوید سے)قصابوں کی من مانیاں بدستور جاری،سرکاری نرخ نامہ کی دھجیاں اڑا دی،انتظامیہ غائب،عوام منہ مانگے دام دینے پر مجبور،حفظان صحت کے اصولوں کی پامالی کا سلسلہ بھی جاری،اکثر قصابوں نے دوکانوں میں مذبحہ قائم کر رکھے ہیں،اعلیٰ حکام سے نوٹس لینے کا مطالبہ،تفصیلات کے مطابق شہر بھرکے قصابوں نے سرکاری نرخ نامے کی دھجیاں اڑاتے ہوئے بکرے کا گوشت(800) سے (1000) روپے فی کلو فروخت کرنا شروع کر دیا جبکہ بڑا گوشت(450) سے (550) روپے فی کلو تک فروخت کر رہے ہیں اور سرعام سرکاری ریٹ کی دھجیاں اڑا رہے ہیں جبکہ پرائس کنٹرول کمیٹی حسب روایت غیر فعال ہے ایک جانب مہنگے داموں گوشت فروخت کیا جا رہا ہے وہیں اکثر قصاب حفظان صحت کا اصولوں کا بھی خیال نہیں رکھتے دکانوں میں مذبحہ قائم کیے ہوئے ہیں بیمار اور لاغر جانور ذبح کرتے ہیں وزن بڑھانے کے لیے سارا دن گوشت پر پانی ڈالتے رہتے ہیں اورجانور دوکانوں کے باہر لٹکا دیتے ہیں جس میں سارا دن اڑنے والی دھول مٹی بھی جذب ہو جاتی ہے جو انسانی صحت کے لیے انتہائی مضر ہے شہریوں کا مزید کہنا ہے کہ شکایات کے باوجود اعلیٰ احکام کی طرف سے گوشت کی کوالٹی چیکنگ کا کوئی مضبوط نظام نظر نہیں آ رہا جب بھی مضر صحت گوشت پکڑا جاتا ہے ویٹرنری ڈاکٹر اعلیٰ افسران اور عوام کی آنکھوں میں دھول جھونکنے کے لئے چند سو روپے جرمانہ کرتے ہیں اور مستقل کسی قسم کا مقدمہ درج کروانے سے گریزاں ہیں اور قصاب دن رات بیمار گوشت عوام کو کھلا کر بیماریاں پھیلا رہے ہیں شہریوں نے اعلی افسران سے مہنگے داموں اور مضر صحت گوشت فروخت کرنے والوں کیخلاف کارروائی کا مطالبہ کیا ہے۔
About Author
