عید ٹرو کے روز ہونے والا کرکٹ کا نمائشی میچ شائیننگ سٹار کرکٹ کلب نے جیت لیا

بورے والا(چوہدری اصغر علی جاوید سے)عید ٹرو کے روز ہونے والا کرکٹ کا نمائشی میچ شائیننگ سٹار کرکٹ کلب نے جیت لیا،تفصیلات کے مطابق گزشتہ روز قائد اعظم سپورٹس سٹیڈیم میں بورے والا کرکٹ کلب اور شائیننگ سٹار کرکٹ کلب کے مابین کرکٹ کا نمائشی میچ کھیلا گیا جس کو شائیننگ سٹار کرکٹ کلب نے جیت لیا اس سے قبل ہونے والا میچ بھی شائیننگ سٹار کرکٹ کلب نے جیتا تھا بورے کرکٹ کلب کی قیادت معروف سیاسی اور سماجی شخصیت رانا طاہر کریم خاں جبکہ شائیننگ سٹار کرکٹ کلب کی قیادت سابق چیئرمین بلدیہ چوہدری محمد عاشق آرائیں نے کی بورے والا کرکٹ کلب میں کلب کے سابق ممبران جو کہ اس وقت اعلی سرکاری عہدوں پر فائز ہیں شامل تھے ان میں بریگیڈئیر سید عامر ہاشمی(پاکستان آرمی)،ایڈیشنل ڈائریکٹر جنرل پنجاب فوڈ اتھارٹی غلام مصطفےٰ ڈوگر،کمشنر انکم ٹیکس (ایڈیشنل ڈائریکٹر انٹیلی جنس ایف بی آر)رانا سجاد امجد،ڈاکٹر سید محمدارشد شاہ،سابق وائس چیئرمین ضلع کونسل وہاڑی رانا شاہد سرور کے علاوہ دیگر قابل ذکر ہیں میچ کے مہمان خصوصی ایڈیشنل سیکرٹری چیف منسٹر سیکرٹریٹ رانا عامر کریم خاں تھے جبکہ ایم این اے سیدساجد مہدی سلیم شاہ،ایم پی اے سردار خالد محمود ڈوگر،احسان علوی ایس پی(فیصل آباد)،راﺅ ندیم اختر (ڈی جی) اوقاف،محمد ندیم ڈوگر،سابق چیئرمین بلدیہ چوہدری محمد عاشق آرائیں مہمانِ اعزاز تھے انہوں نے میچ کے اختتام پر دونوں ٹیموں کے کھلاڑیوں،منتظمین،سابق کھلاڑیوں اور دیگر شخصیات میں کپ،ٹرافیاں اور شیلڈیں تقسیم کیں اس موقع پر میچ آرگنائزرز رانا محمد ایوب،سردارمصدق ڈار،سیدسلیم حیدر رضوی سابق سیکرٹری ڈی سی اے،میاں حفیظ الرحمن سابق سیکرٹری ڈی سی اے،عامر کاہلوں،سابق کونسلر بلدیہ میاں خالد حسین،مفتی شیخ محمد ایوب،نعیم صابر چوہدری،ڈاکٹر ظفر اقبال مرزا،باسط علی گوشی،افتخار گوندل،سردار ظہور احمد ڈوگر،حنیف کاشف،عارف خاں،رانا ضیاء اللہ،وقاص اشرف،منور خواجہ،استاد سلیم،نوازش خان سلدیرا،شیخ محمد اسلم،چوہدری ناصر کے علاوہ دیگر بھی موجود تھے اس موقع پر سید سلیم حیدر رضوی نے سپاسنامہ پیش کرتے ہوئے سٹیڈیم کے مسائل سے آگاہ کیا مہمان خصوصی رانا عامر کریم خاں نے یقین دہانی کرائی کہ وہ سٹیڈیم کے مسائل حل کروانے کےلئے جلد ہی ڈی جی پنجاب سپورٹس بورڈ سے بات کریں گے انہوں نے پہلے بھی اپنے شہر کے مسائل ترجیحی بنیادوں پر حل کروائے ہیں انہوں میچ قومی تہواروں پر میچ منعقد کروانے پر آرگنائزرز کی کاوشوں کو سراہا اور اپنے بھرپور تعاون کا یقین دلایا ممبر پنجاب اسمبلی سردار خالد محمود ڈوگر نے میچ آرگنائزر کے مطالبہ پر سٹیڈیم کی وکٹ بنانے کے لیے نندی پور کی مٹی کا ٹرک دینے کا وعدہ کیا۔