رمضان بازاروں میں معیاری اشیاء فروخت کرنا ہماری اولین ترجیح ہے۔عرفان علی کاٹھیا

بورے والا(چوہدری اصغر علی جاوید سے)ڈپٹی کمشنر وہاڑی عرفان علی کاٹھیا نے کہا ہے کہ رمضان المبارک میں رمضان بازاروں میں صارفین کو معیاری صاف ستھری اور اشیاء خوردونوش کی مقررہ رعائتی نرخوں پر فراہمی ان کی اولین ترجیح ہے،ان خیالات کا اظہار انہوں نے بلدیہ بورے والا سے ملحقہ لگائے گئے رمضان بازار کے انتظامات سٹالوں کے معائنہ کرنے کے میڈیا کے نمائندوں سے گفتگو کرتے ہوئے کیا اس موقع پر اسسٹنٹ کمشنر مہر حسنین خالد سنپال،ڈی او انڈسٹریز راشدہ بتول،ڈسٹرکٹ فوڈ کنٹرولر مسعود اسلم،چیف آفیسر راﺅ محمد علی،سیکرٹری مارکیٹ کمیٹی منیر احمد بھٹی،محمد ارشد غوری فوڈ انسپکٹر،صدر مرکزی انجمن تاجران حاجی محمد جمیل بھٹی،نائب صدر چاچا محمد اسلم،سٹی صدر پی ٹی آئی ملک فاروق احمد اعوان،صدر کریانہ مرچنٹ ایسوسی ایشن راﺅ نور محمد اور دیگر بھی موجود تھے ڈپٹی کمشنر نے کہا کہ رمضان المبارک برکتوں اور رحمتوں والا مہینہ ہے تاجر اور دوکاندار بھی ثواب حاصل کرنے کیلئے روضہ داروں کو صاف ستھری اور ارزاں نرخوں پر اشیاء خوردونوش فروخت کریں اس موقع پر انہوں نے رمضان بازار میں لگائے جانے والے سبزیوں،مارکیٹ کمیٹی کے سٹال اور محکمہ فوڈ کی طرف سے لگائے گئے آٹے کے سٹالوں کا معائنہ کرتے ہوئے وزن اور کوالٹی پر اطمینان کا اظہار کیا ڈپٹی کمشنر نے مرکزی انجمن تاجران کے صدر محمد جمیل بھٹی اور ان کی ذیلی تنظیموں کی رمضان بازار کے سلسلہ میں تعاون اور کاوشوں کو سراہا اور اسسٹنٹ کمشنر کو انتظامات مزید بہتر بنانے کی ہدایت کی۔